“हा क्षण माझ्यासाठी खूप मोठा” – संजू सॅमसन

\n

.@IamSanjuSamson reflects on how self-doubt is part of every cricketer’s journey, how setbacks fueled his growth, and how staying mentally strong helped him deliver when India needed it most.

\n

From tough phases to steering the team into the semi-final – a story of resilience,… pic.twitter.com/mWwT8SKTDE

\n

— Star Sports (@StarSportsIndia) March 2, 2026

\nसामनावीर पुरस्कार स्वीकारल्यानंतर संजू अत्यंत भावूक झाला होता. तो म्हणाला, “मी ज्या दिवसापासून क्रिकेट खेळायला सुरुवात केली, तेव्हापासून या क्षणाची वाट पाहत होतो. माझा प्रवास चढ-उतारांनी भरलेला होता. अनेकदा मनात स्वतःबद्दल शंका निर्माण व्हायच्या, पण मी विश्वास कायम ठेवला. आजचा दिवस माझ्या आयुष्यातील सर्वोत्तम दिवसांपैकी एक आहे.”

विराट-रोहितच्या मार्गदर्शनाचा उल्लेख –

संजू सॅमसनची सामन्यानंतरची मुलाखत

आपल्या यशाचे श्रेय देताना संजूने विराट कोहली आणि रोहित शर्मा यांसारख्या दिग्गजांचे नाव घेतले. तो म्हणाला, “मी गेल्या १० वर्षांपासून भारतीय संघासोबत आहे. अनेकदा मला मैदानात खेळण्याची संधी मिळाली नाही, पण डगआऊटमध्ये बसून मी विराट कोहली आणि रोहित शर्मा यांसारख्या महान खेळाडूंचे निरीक्षण केले. महान खेळाडू सामना कसा संपवतात आणि परिस्थितीनुसार आपला खेळ कसा बदलतात, हे पाहून मी खूप काही शिकलो. मी ५०-६० सामने खेळलो असेन, पण जवळपास १०० सामने मी डगआऊटमधून पाहिले आहेत.”

हेही वाचा – IND vs WI : टीम इंडियाचा ऐतिहासिक विजय! संजू सॅमसनच्या वादळी खेळीने विडींजला लोळवलं; सेमीफायनलमध्ये इंग्लंडशी भिडणार

खेळपट्टीवरील रणनीती आणि चाहत्यांचा पाठिंबा –

वेस्ट इंडिजने उभारलेल्या मोठ्या धावसंख्येचा पाठलाग करताना संजूने आपल्या मानसिकतेवर लक्ष केंद्रित केले. “आज विकेट्स पडत असताना भागीदारी रचणे गरजेचे होते. मी काही विशेष करण्याचा विचार करत नव्हतो, फक्त एका वेळी एक चेंडू खेळणे आणि प्रक्रियेवर लक्ष केंद्रित करणे हेच माझे उद्दिष्ट होते,” असे त्याने स्पष्ट केले. तसेच, मैदानातील प्रेक्षकांकडून मिळालेल्या उर्जेमुळे कठीण परिस्थितीतही चेंडूवर लक्ष केंद्रित करण्यास मदत झाल्याचे त्याने नमूद केले.

Sanju Samson Reaction : “मी स्वतःवर शंका घेतली, पण…”, विजयानंतर संजू सॅमसन भावूक; म्हणाला, ‘रोहित-विराटकडून खूप काही…’