Sanju Samson Statement : “कोणी मला सांगायची गरज नाही…”, टी-२० वर्ल्ड कपचा हिरो संजू सॅमसनचं मोठं वक्तव्य; म्हणाला, “मी आता जुना संजू…”
Sanju Samson Statement : संजू सॅमसनने आपल्या मानसिक बदलावर आणि यशाच्या गुपितावर बेधडक भाष्य केले आहे.
Sanju Samson Statement T20 World Cup and Virat Kohli Diet Archer Santner : भारतीय टी-२० वर्ल्ड कप २०२६ च्या विजेतेपदाचा प्रमुख शिल्पकार आणि यष्टीरक्षक-फलंदाज संजू सॅमसन (Sanju Samson) याने आपल्या मानसिक बदलावर आणि यशाच्या गुपितावर बेधडक भाष्य केले आहे. टी-२० वर्ल्ड कपच्या उपांत्य आणि अंतिम सामन्यात सलग दोन अर्धशतके ठोकून भारताला चॅम्पियन बनवणाऱ्या संजूने स्पष्ट केले की, तो आता संघातील स्थानाच्या दबावापासून आणि स्पर्धेच्या शर्यतीतून (Rat Race) पूर्णपणे मुक्त झाला आहे.
“आता संजूचे निर्णय संजू स्वतःच घेणार!”
‘जिओस्टार’च्या एका शोमध्ये ३१ वर्षीय संजू सॅमसन म्हणाला, “आता मला कोणीही सांगणार नाही की फलंदाजी कशी करायची. आता जो काही निर्णय असेल, तो ‘संजू स्वतः संजूसाठी’ करेल.” यासोबतच त्याने जिममध्ये विराट कोहलीसोबत (Virat Kohli) झालेल्या जुन्या संभाषणाची आठवण काढली. विराटने त्याला १० वर्षे कडक डाएट आणि शिस्त पाळण्याचा सल्ला दिला होता. यावर हसत संजू म्हणाला, “मी विराट भाईच्या सांगण्यावरून दीड वर्ष कडक डाएट पाळले, पण त्यानंतर ते माझ्याच्याने शक्य झाले नाही.”
🇮🇳Sanju Samson Vows To Play On Own Terms.#SanjuSamson #TeamIndia #IndianCricket #Cricket #CricketNews #CricketUpdates #BCCI #IPL #T20Cricket #CricketFans #CricketReels #CricketLover #SportsNews #CricketCommunity #GooglyMediaTV #Trending #Viral #ExplorePage pic.twitter.com/xHaEEqah6E
— googlymediatv (@googlymediatv) July 27, 2026
आर्चरचा धाक अन् सँटनरचे ‘डॉट बॉल्स’ –
Sanju Samson said:
I have decided to play on my own terms; No one will tell me how to bat or what do do. Sanju will decide for Sanju.” pic.twitter.com/BD2wul2kXr
— Himanshu Pareek (@Sports_Himanshu) July 27, 2026
उपांत्य सामन्यात इंग्लंडच्या जोफ्रा आर्चरविरुद्धच्या खेळाबाबत सांगताना संजू म्हणाला, “सामन्यापूर्वी लोक मला आर्चरचे जुने आकडे दाखवून घाबरवत होते, पण मी स्वतःला सांगितले की मी वर्षभरापूर्वीचा जुना संजू राहिलेला नाही. वेस्ट इंडिजविरुद्धच्या खेळीनंतर माझा आत्मविश्वास खूप वाढला होता.”
न्यूझीलंडविरुद्ध अहमदाबाद येथील फायनल सामन्यात मिचेल सँटनरचे ४ चेंडू ‘डॉट’ गेल्यानंतरही तो डगमगला नाही. “आधीच्या काळात चार चेंडू डॉट गेले असते तर मी पाचव्या चेंडूवर मोठा शॉट मारण्याच्या नादात विकेट गमावली असती. पण यावेळी मनात पूर्ण स्पष्टता होती की, चार डॉट बॉल्स खेळलो तरी पुढे दोन षटकार मारून त्याची भरपाई करता येईल,” असे संजूने सांगितले.
