Priyank Kharge – राष्ट्रीय स्वयंसेवक संघ म्हणजे भारतीय जनता पक्षाचे अनोंदणीकृत मनी लाँड्रिंग युनिट असून ही संघटना धर्माच्या नावाखाली बेकायदेशीर कृत्ये आणि पैशाची अफरातफर करत असते, असा आरोप कर्नाटकचे गृहमंत्री आणि काँग्रेस नेते प्रियांक खर्गे यांनी केला आहे. दरम्यान, प्रियांक खर्गे यांनीही रा. स्व. संघ आणि विश्व हिंदू परिषदेबद्दल दिग्विजय सिंह यांनी केलेल्या वक्तव्यांचे समर्थन केले.

प्रियांक खर्गे यांनी हिंदू धर्माचे रक्षक म्हणून संघाच्या कथित भूमिकेवरही प्रश्नचिन्ह उपस्थित केले. ते म्हणाले की, हिंदू धर्म हजारो वर्षांपासून अस्तित्वात आहे, तर आरएसएसची स्थापना केवळ सुमारे १०० वर्षांपूर्वी झाली आहे.

हिंदू धर्म आणि हिंदुत्व यांच्यातील फरक स्पष्ट करताना खर्गे म्हणाले की, या दोन्ही गोष्टींना एकच मानणे योग्य नाही. हिंदू धर्म आणि हिंदुत्व यांच्यात मोठा फरक आहे.

हिंदुत्वाची विचारधारा राष्ट्रीय स्वयंसेवक संघाशी संबंधित आहे, तर हिंदू धर्म हजारो वर्षांपासून अस्तित्वात आहे. त्यामुळे, कोणत्याही हिंदूला राष्ट्रीय स्वयंसेवक संघाकडून हिंदू धर्माबद्दल शिकण्याची गरज नाही.

दिग्विजय सिंह यांनी असा आरोप केला होता की, देशातील राष्ट्रीय चर्चा अधिकाधिक हिंदुत्वाच्या मुद्द्यावर केंद्रित होत असून, यात आरएसएस आणि विश्व हिंदू परिषदेची भूमिका आहे. त्यांच्या मते, यामुळे देशात हिंदू आणि इतर धर्मांमध्ये फूट पडली आहे.