Samruddhi Expressway : मुंबई-नागपूर प्रवासाचा वेळ कमी करून महाराष्ट्राच्या विकासाला नवी गती देण्याच्या उद्देशाने उभारण्यात आलेला 701 किलोमीटरचा समृद्धी महामार्ग डिसेंबर 2022 पासून टप्प्याटप्प्याने वाहतुकीसाठी खुला करण्यात आला. (Samruddhi Expressway)

मात्र, महामार्ग सुरू झाल्यापासून अपघात आणि त्यातून होणाऱ्या मृत्यूंची मालिका कायम आहे. उपलब्ध पोलीस आणि माहिती अधिकारातून समोर आलेल्या आकडेवारीनुसार, समृद्धी महामार्गावर साडेतीन वर्षांत 633 अपघातांमध्ये तब्बल 572 जणांचा मृत्यू झाला आहे. (Samruddhi Expressway)

2026 मधील आकडेवारी विशेष चिंताजनक आहे. जानेवारी ते ऑगस्ट 2026 या केवळ आठ महिन्यांत महामार्गावर 142 अपघात झाले असून त्यात 128 जणांचा मृत्यू झाला आहे. म्हणजेच या आठ महिन्यांत झालेल्या मृत्यूंची संख्या 2024 च्या संपूर्ण वर्षातील मृत्यूसंख्येपेक्षाही जास्त आहे. (Samruddhi Expressway)

2024 मध्ये समृद्धी महामार्गावर 137 अपघातांमध्ये 126 जणांचा मृत्यू झाला होता. त्यानंतर 2025 मध्ये अपघातांची संख्या वाढून 185, तर मृतांची संख्या 152 झाली. महामार्ग पोलीसांच्या आकडेवारीनुसार, 2025 मध्ये 2024 च्या तुलनेत अपघातांमध्ये सुमारे 35 टक्के वाढ झाली होती. (Samruddhi Expressway)

वर्ष   अपघात मृत्यू
2024    137  126
2025   185   152
जानेवारी – ऑगस्ट 2026 142 128
डिसेंबर 2022 – ऑगस्ट 2026 633 572

मुंबई-पुणे द्रुतगती मार्गाच्या तुलनेतही मृत्यू अधिक

2026 च्या पहिल्या आठ महिन्यांची तुलना केली असता समृद्धी महामार्गावरील अपघातांची आणि मृत्यूंची संख्या मुंबई-पुणे द्रुतगती मार्गापेक्षा अधिक असल्याचे RTIमधून समोर आले आहे. (Samruddhi Expressway)

जानेवारी ते ऑगस्टदरम्यान समृद्धीवर 142 अपघातांत 128 मृत्यू, तर मुंबई-पुणे द्रुतगती मार्गावर 105 अपघातांत 39 मृत्यू झाले. मात्र, केवळ अपघातांची संख्या पाहून एखादा महामार्ग तुलनेने अधिक धोकादायक असल्याचा निष्कर्ष काढताना वाहतुकीचे प्रमाण, वाहनांची संख्या आणि प्रवासाचे अंतर यांसारखे घटकही विचारात घेणे आवश्यक आहे. (Samruddhi Expressway)

Samruddhi Expressway : समृद्धी महामार्गावर पुन्हा भीषण अपघात! एकाचा आगीत होरपळून दुर्देवी अंत; दोघे बजावले