Congress Leader Death : काँग्रेसचे माजी खासदार आणि ज्येष्ठ नेते सज्जन कुमार (Congress Leader Death) यांचं आज गुरुवारी निधन झालं आहे. प्रकृती अचानक खालावल्यामुळे त्यांना दिल्लीच्या सफदरजंग रुग्णालयात दाखल करण्यात आलं होतं; मात्र उपचारादरम्यान डॉक्टरांनी त्यांना मृत घोषित केलं. ते दीर्घकाळापासून विविध आजारांशी झुंज देत होते. वडिलांच्या निधनाची बातमी समजताच त्यांचा मुलगा जग प्रवेश कुमार यांनी तातडीने रुग्णालयात धाव घेतली.

1984 च्या शीख विरोधी दंगल प्रकरणात न्यायालयाने त्यांना जन्मठेपेची शिक्षा (Congress Leader Death) सुनावली होती आणि ते तिहार तुरुंगात आपली शिक्षा भोगत होते. 2013 मध्ये कनिष्ठ न्यायालयाने पालम कॉलनी (राजनगर पार्ट 1) येथील पाच जणांच्या हत्येप्रकरणी त्यांची निर्दोष मुक्तता केली होती.

परंतु डिसेंबर 2018 मध्ये दिल्ली उच्च न्यायालयाने तो निर्णय फिरवत गुन्हेगारी कट आणि हत्येप्रकरणात त्यांना दोषी ठरवून जन्मठेपेची शिक्षा ठोठावली. या दंगली मानवतेविरोधातील गुन्हा असल्याचं निरीक्षण उच्च न्यायालयाने नोंदवलं होतं.

त्यानंतर 2025 मध्ये राऊज अव्हेन्यू न्यायालयाने आणखी एका प्रकरणात जमावाकडून दोघांची हत्या केल्याच्या आरोपाखाली त्यांना जन्मठेप सुनावली. तक्रारदाराच्या वकिलांनी फाशीची मागणी केली असताना न्यायालयाने त्यांना जन्मठेपेची शिक्षा कायम ठेवली होती.

दरम्यान, जानेवारी 2026 मध्ये दिल्ली न्यायालयाने जनकपुरी हिंसाचार प्रकरणात पुराव्याअभावी त्यांना (Congress Leader Death) दोषमुक्त केलं होतं; तरीही इतर दोन गंभीर प्रकरणांमध्ये दोषी ठरल्यामुळे ते जन्मठेपेची शिक्षा भोगत होते. अखेर तुरुंगात शिक्षा भोगत असतानाच आज त्यांची प्राणज्योत मालवली.