Sajjan Kumar | 1984 साली दिल्लीत भारताच्या तत्कालीन पंतप्रधान इंदिरा गांधी यांच्या हत्येनंतर शिखविरोधी दंगल उसळली होती. या दंगलीत चिथावणी देऊन हत्या घडवणाऱ्या काँग्रेसचे माजी खासदार सज्जन कुमारला जन्मठेपेची शिक्षा सुनावण्यात आली आहे.

राउज अव्हेन्यू कोर्टाच्या विशेष न्यायाधीश कावेरी बावेजा यांनी दिल्लीच्या सरस्वती विहार येथे जसवंत सिंग आणि त्यांचे पुत्र तरुणदीप सिंग यांच्या हत्या प्रकरणात सज्जन कुमारला जन्मठेपेची शिक्षा सुनावली आहे.

काही दिवसांपूर्वीच न्यायालयाने या गुन्ह्यासाठी सज्जन कुमारला दोषी ठरवले होते. तिहार केंद्रीय कारागृहाच्या अधिकाऱ्यांकडून त्याच्या मानसिक आणि मनोवैज्ञानिक स्थितीबाबत अहवाल मागवला होता. सज्जन कुमारला जन्मठेपेची शिक्षा सुनावण्यात आल्याने पीडितांना 41 वर्षांनंतर न्याय मिळाला आहे.

हे प्रकरण सुरुवातीला पंजाबी बाग पोलिस ठाण्यात दाखल करण्यात आला होते. मात्र, नंतर एसआयटीकडे या प्रकरणाची चौकशी सोपवण्यात आले होते. न्यायालयाने डिसेंबर 2021 मध्ये सज्जन कुमारविरोधात आरोप निश्चित केले होते.

कोण आहे सज्जन कुमार?

सज्जन कुमार हा काँग्रेसचा माजी खासदार राहिला आहे. त्याने 3 वेळा काँग्रेसच्या तिकीटावर लोकसभा निवडणुकीत विजय मिळवला होता. 70 च्या दशकात दिल्ली नगरपालिका निवडणुकीत विजय मिळवण्याची कामगिरी किली होती. 1980 च्या लोकसभा निवडणुकीत विजय मिळवत सज्ज कुमार लोकसभेत पोहोचला होतो. 1984 च्या दंगलीनंतर तिकीट नाकारण्यात आले, मात्र, 1999 मध्ये पुन्हा उमेदवारी देण्यात आली होती. दंगलीमध्ये सज्जन कुमारचे नाव आल्यानंतर काँग्रेसला टीकेला समोरे जावे लागले होते.