Sajeeb Wazed Joy: बांगलादेशच्या माजी पंतप्रधान शेख हसीना यांच्या निधनानंतर, त्यांचे पुत्र साजीब वाजेद जॉय यांनी बांगलादेशबद्दल एक धक्कादायक विधान केले आहे.

याविषयी बोलताना त्यांनी, “बांगलादेश आता पाकिस्तान बनला आहे आणि ज्या देशासाठी लोकांनी प्राणांचे बलिदान दिले व स्वातंत्र्यासाठी लढा दिला, तो देश आता राहिलेला नाही.” असे म्हटले आहे.

१९७१ मध्ये या देशासाठी तीस लाख लोकांनी आपले प्राण गमावले. आता, शेख हसीना यांचे पुत्र साजीब वाजेद जॉय यांनी एक धक्कादायक दावा केला आहे. त्यांनी म्हटले आहे की, “बांगलादेश आता पाकिस्तान बनला आहे,  तसेच पुढील दहशतवादी बांगलादेशमधूनच उदयास येतील आणि बांगलादेश जगातील आणखी एक अयशस्वी देश बनला आहे” असा खळबळजनक दावा देखील केला आहे.

शेख हसीना यांची मुलासोबत पत्रकार परिषद  (Sajeeb Wazed Joy)

गेल्या वर्षी ऑगस्टमध्ये बांगलादेशातील आंदोलने, हिंसाचार आणि लष्करी उठावामुळे शेख हसीना यांना देश सोडून पळून जावे लागले होते आणि त्यांनी भारतात आश्रय घेतला होता.

५ ऑगस्ट रोजी शेख हसीना पहिल्यांदाच माध्यमांसमोर आल्या आणि त्यांनी बांगलादेशात परतण्याचे संकेत दिले. त्या डिसेंबरपर्यंत मायदेशी परतण्याची शक्यता आहे.

शेख हसीना यांचे पुत्र, साजीब वाजेद जॉय, अमेरिकेतील मेरीलँड येथून दिल्लीतील पत्रकार परिषदेत ऑनलाइन सहभागी झाले. येथे त्यांनी सांगितले की, जर आंतरराष्ट्रीय संघटनांनी हस्तक्षेप केला नाही, तर बांगलादेश दहशतवादाचे प्रमुख केंद्र बनू शकते.

बांगलादेशात आयएसआय सक्रिय असल्याचा दावा Sajeeb Wazed Joy:
साजीब वाजेद यांनी सांगितले की, पाकिस्तानची गुप्तचर संस्था, आयएसआय, बांगलादेशात सक्रिय असून उघडपणे आपल्या कारवाया करत आहे. आवामी लीग सरकारच्या काळात अटक करून तुरुंगात टाकलेल्या दहशतवाद्यांना सोडण्यात आले आहे.

बंदी घातलेली संघटना हिज्ब-उत-तहरीर बांगलादेशात उघडपणे सभा घेत आहे. अल-कायदाचे सदस्य बांगलादेशात जाहीर सभा घेत आहेत. परिणामी, भारताच्या पूर्व सीमेवर वसलेला बांगलादेश हा दुसरा पाकिस्तान बनला आहे. जर ही परिस्थिती बदलली नाही, तर जगाचे पुढील दहशतवादी बांगलादेशातूनच उदयास येतील. असे मुद्दे मोठ्याने मांडले पाहिजेत.

हैही वाचा : Sheikh Hasina: भारतात राहणाऱ्या शेख हसीना यांची मोठी घोषणा, ‘या’ दिवशी मायदेशी परतणार

या आंदोलनातील मृतांच्या संख्येवर प्रश्नचिन्ह उपस्थित करण्यात आले. साजीब वाजेद जॉय यांनी तारिक रहमान आणि त्यांच्या बांगलादेश नॅशनलिस्ट पार्टीवर (बीएनपी) प्रश्नचिन्ह उपस्थित केले, ज्यांनी फेब्रुवारी २०२६ च्या निवडणुका जिंकून सरकार स्थापन केले.

शेख हसीना यांच्या आवामी लीग पक्षावर मुहम्मद युनूस यांच्या काळजीवाहू सरकारने बंदी घातली होती आणि त्यांना निवडणुका लढवण्याची परवानगी दिली नव्हती. त्यामुळे, बांगलादेशच्या लोकांना विधानसभेच्या निवडणुकीत पूर्ण प्रतिनिधित्व मिळाले नाही.

जुलै-ऑगस्ट २०२४ च्या आंदोलनांमध्ये अनेक लोक मारले गेले, परंतु संयुक्त राष्ट्रांनी (यूएन) सुमारे १,४०० मृत्यूंचा अंदाज वर्तवला होता. तथापि, तारिक रहमान यांच्या सरकारने ८०० मृत्यूंचा आकडा सांगितला, जो देशासाठी अन्यायकारक आहे.

हेही वाचा :  Sheikh Hasina: ‘त्यांना जगातील सर्वोत्कृष्ट …’; शेख हसीनाच्या पुनरागमनाच्या घोषणेवर बांगलादेशची पहिली प्रतिक्रिया