Saif Ali Khan Attacked।  बॉलिवूड अभिनेता सैफ अली खानवर झालेल्या जीवघेण्या हल्ल्याने बॉलिवूड इंडस्ट्रीज नाही तर सर्व  क्षेत्रात एकाच गोंधळ उडाला आहे. रात्री अडीचच्या सुमारास एका अज्ञात व्यक्तीने घरात घुसून सैफवर हल्ला केल्याची माहिती मिळत आहे.  दरम्यान, सैफला तातडीने रुग्णालयात दाखल करण्यात आले असून त्याच्यावर शस्त्रक्रिया करण्यात आली आहे. सध्या त्याची प्रकृती स्थिर असल्याची माहिती मिळत आहे.  त्यातच आता सैफ अली खानवर झालेल्या हल्ल्याबाबत करनी सेनेकडून खळबळजनक वक्तव्य करण्यात आले आहे.

…म्हणून सैफला टार्गेट केलं Saif Ali Khan Attacked। 

महाराष्ट्र करणी सेना प्रमुख अजय सिंह सेंगर यांनी सैफ अली खानवर हल्ला प्रकरणी आपली प्रतिक्रिया दिली आहे. त्यांनी यावेळी बोलताना “हिंदू कलाकारांना टार्गेट करून त्यांना फिल्म लाईनमध्ये कामं न देण्याचे निर्देश फिल्म निर्मात्यांना देण्यात येत होते, म्हणून यामध्ये सलमान खान, सैफ अली खान हे टार्गेटवर आलेले आहेत. हा एक संकेत समजा आणि सरकारने देखील लक्षात ठेवावं ” अशी धक्कादायक प्रतिक्रिया त्यांनी दिली आहे.

 तपासासाठी मुंबई पोलिसांच्या 7 टीम दाखल Saif Ali Khan Attacked। 
या हल्ला प्रकरणात तपासाला वेग आला असून तपासाठी पोलिसांना सात टीम दाखल झाल्या आहेत. महिला कर्मचाऱ्याला भेटण्यास अज्ञात हल्लेखोर घरात आल्याची माहिती पोलिसांनी दिली आहे. महिला मदतनीसानेच आरोपीला घरात एन्ट्री दिली असून या आरोपीनं मदतनीसावर हल्ला केला. आणि या वादात सैफमध्ये पडला यातून सैफवर हल्ला झाल्याची माहिती पोलिसांनी दिली आहे.

अभिनेता सैफ अली खानवर जीवघेणा हल्ला करण्यात आला आहे. वांद्रेमधील राहत्या घरात त्याच्यावर हल्ला झाला आहे. त्याच्यावर लीलावतीत शस्त्रक्रिया झाली असून चाकून त्याच्यावर 6 वार करण्यात आले आहेत. या हल्ल्यामध्ये त्याच्या मानेवर 10 सेंटीमीटरची जखम झाली. हात आणि पाठीवरही वार करण्यात आले आहेत. पाठीत धारदार शस्त्र खुपसण्यात आलं असून सैफवर पहाटे शस्त्रक्रिया करण्यात आली आहे. दरम्यान, पोलिसांकडून कसून चौकशी सुरू आहे.