S Jaishankar on H-1B visa । अमेरिकेचे राष्ट्राध्यक्ष डोनाल्ड ट्रम्प यांनी H1B व्हिसावर १००,००० डॉलर्सचा नवीन शुल्क आकारला आहे. या निर्णयाचा थेट परिणाम भारतीय व्यावसायिकांवर होणार आहे. दरम्यान, न्यूयॉर्कमध्ये परराष्ट्र मंत्री एस. जयशंकर यांनी H1B विषयी महत्वाचे विधान केले आहे. त्यांनी याविषयी बोलताना,”जगाने ‘ग्लोबल वर्कफोर्सचे वास्तव स्वीकारले पाहिजे. तसेच कामगारांच्या गरजा केवळ राष्ट्रीय लोकसंख्येद्वारे पूर्ण केल्या जाऊ शकत नाहीत” असा त्यांनी इशारा दिला.

न्यू यॉर्कमध्ये संयुक्त राष्ट्रांच्या महासभेच्या सत्रादरम्यान ऑब्झर्व्हर रिसर्च फाउंडेशन (ओआरएफ) च्या कार्यक्रमात बोलताना जयशंकर यांनी, “हे एक वास्तव आहे, त्यातून सुटका नाही.  ‘ग्लोबल वर्कफोर्स’ कुठे असेल आणि ते कुठून कार्य करेल हा राजकीय वादाचा विषय असू शकतो, परंतु वास्तव असे आहे की, मागणी आणि लोकसंख्याशास्त्र पाहता, अनेक देशांची राष्ट्रीय लोकसंख्या त्यांच्या कामगार गरजा पूर्ण करू शकत नाही.”असे म्हटले आहे.

त्यांनी यावर भर दिला की, ‘ग्लोबल वर्कफोर्स’चे विविध क्षेत्रांमध्ये वितरण करण्यासाठी अधिक स्वीकार्य, आधुनिक आणि कार्यक्षम मॉडेल विकसित करण्याची वेळ आली आहे. जयशंकर यांनी , “आजच्या आंतरराष्ट्रीय अर्थव्यवस्थेसमोरील सर्वात मोठा प्रश्न म्हणजे आपण जागतिक कार्यबलासाठी कोणते प्रभावी मॉडेल तयार करू.”असे त्यांनी म्हटले.

भारतीय व्यावसायिकांवर मोठा परिणाम… S Jaishankar on H-1B visa ।

H1B व्हिसा हा भारतीय आयटी आणि तंत्रज्ञान व्यावसायिकांसाठी अमेरिकेत नोकरी मिळविण्याचा एक महत्त्वाचा मार्ग आहे. आकडेवारीनुसार, या व्हिसाच्या लाभार्थ्यांपैकी सुमारे तीन-चतुर्थांश भारतीय आहेत. या व्हिसाच्या अंतर्गत, कंपन्या आयटी, वैद्यकीय आणि अभियांत्रिकीसारख्या क्षेत्रातील परदेशी व्यावसायिकांना कामावर ठेवू शकतात.

मात्र ट्रम्प प्रशासनाने H1Bव्हिसावर $१००,००० चे नवीन शुल्क लादले आहे. ही रक्कम विद्यमान फाइलिंग आणि कायदेशीर खर्चाव्यतिरिक्त असेल. यामुळे व्हिसा अत्यंत महाग होईल, ज्यामुळे अनेक नियोक्ते आणि अर्जदारांसाठी ते जवळजवळ अशक्य होईल.

तज्ज्ञांचे म्हणणे आहे की या निर्णयाचा भारतीय व्यावसायिक आणि अमेरिकन कंपन्यांवर परिणाम होईल. या संदर्भात एस. जयशंकर यांच्या टिप्पण्या ट्रम्पच्या धोरणांबद्दल थेट “सूचक संदेश” मानल्या जात आहेत. S Jaishankar on H-1B visa ।