Russia-Ukraine War । रशियातील कझान शहरात मोठा ड्रोन (यूएव्ही) हल्ला झाला झाल्याची माहिती समोर आली आहे. हा हल्ला अमेरिकेत काही वर्षांपूर्वी झालेल्या वर्ल्ड ट्रेड सेंटरवरील हल्ल्यासारखा असल्याचे दिसून येत आहे. त्यासंबंधीचा व्हिडीओ सध्या सोशल मीडियावर मोठ्या प्रमाणात व्हायरल झाला आहे.

तीन उंच इमारतींमध्ये ड्रोन हल्ले Russia-Ukraine War । 

रशियातील कझान शहरातील तीन उंच इमारतींमध्ये हा हल्ला करण्यात आला असल्याची प्राथमिक माहिती समोर आली आहे. या हल्ल्यात मोठे नुकसान झाल्याचे सांगण्यात येत आहे. या घटनेचे फोटो आणि व्हिडिओ सोशल मीडियावर शेअर केले जात आहेत. या व्हिडिओंमध्ये हे स्पष्टपणे दिसत आहे की वेगवेगळ्या यूएव्ही हवेत येतात आणि थेट रशियाच्या कझान शहरातील उंच इमारतीला येऊन  धडकतात. या हल्ल्याने मोठे नुकसान देखील झाल्याचे दिसत आहे.

❗️RUSSIAN AIR DEFENSE SYSTEMS DESTROYED A UKRAINIAN DRONE OVER RUSSIA’S CITY OF KAZAN – RUSSIAN DEFENSE MINISTRY

As a result of a drone attack, a fire broke out in houses in three districts, Sovetsky, Kirovsky and Privolzhsky, the mayor’s office said.

Operational services… pic.twitter.com/SztJHaoCCu

— Sputnik (@SputnikInt) December 21, 2024

इमारतीत बचाव कार्य सुरू  Russia-Ukraine War । 

रशियाच्या संरक्षण मंत्रालयानेही या हल्ल्याला प्रत्युत्तर दिले आहे. रशियाच्या संरक्षण मंत्रालयाने दावा केला आहे की, रशियाच्या हवाई संरक्षण यंत्रणेने कझान शहरावरील युक्रेनचे ड्रोन नष्ट केले आहे. त्याचवेळी, रशियन मीडिया एजन्सी स्पुतनिकला कझानच्या महापौर कार्यालयातून सांगण्यात आले आहे की,”ड्रोन हल्ल्यामुळे सोवेत्स्की, किरोव्स्की आणि प्रिव्होल्स्की या तीन जिल्ह्यांमध्ये घरांना आग लागली आहे. त्याठिकणी बचाव कार्य सुरू आहेत. आवश्यक ती सर्व मदत केली जात आहे. इमारतीतून बाहेर काढण्यात आलेल्या लोकांना राहण्यासाठी अन्न आणि निवारा दिला जात आहे.” असेही त्यांनी म्हटले.

🇷🇺 Kazań. 💥 pic.twitter.com/7FxZ6fSlwL

— JR2 (@JanR210) December 21, 2024

दरम्यान , कझान शहरावरील या हल्ल्याची जगभरात चर्चा होत आहे कारण याच रशियन शहरात 2024 साली ब्रिक्स परिषद झाली होती. यावेळी, कझान येथे झालेल्या 16 व्या ब्रिक्स परिषदेत प्रथमच संयुक्त अरब अमिराती, इराण, इजिप्त आणि इथिओपिया या देशांचा सदस्य म्हणून समावेश करण्यात आला. या हल्ल्याचे वर्णन अमेरिकेतील 9/11 (वर्ल्ड ट्रेड सेंटर) हल्ल्याप्रमाणेच केले जात आहे.