Rupali Chakankar : राज्य महिला आयोगाच्या माजी अध्यक्षा रूपाली चाकणकर यांनी आता व्यवसाय क्षेत्रात पाऊल ठेवले आहे. पुण्यात त्यांनी ‘द नाईन्स’ नावाने हॉटेल व्यवसाय सुरू केल्याची माहिती समोर आली आहे. हे बार आणि रेस्टॉरंट असल्याचे सांगितले जात आहे. (Rupali Chakankar)

दोन दिवसांपूर्वी झालेल्या उद्घाटन सोहळ्याला माजी मंत्री जयंत पाटील, आमदार सुनील शेळके यांच्यासह राजकीय आणि सामाजिक क्षेत्रातील अनेक मान्यवर उपस्थित होते. त्यामुळे रूपाली चाकणकर यांच्या नव्या व्यवसायाची राजकीय वर्तुळात चर्चा रंगली आहे. (Rupali Chakankar)

महिला आयोगाच्या अध्यक्षपदाचा दिला होता राजीनामा

रूपाली चाकणकर यांचे नाव काही काळापासून वादांमध्ये चर्चेत होते. नाशिकमधील अशोक खरात प्रकरणाच्या पार्श्वभूमीवर त्यांच्यावर टीका झाली होती. त्यानंतर त्यांनी राज्य महिला आयोगाच्या अध्यक्षपदाचा राजीनामा दिला होता. तसेच राष्ट्रवादी काँग्रेसच्या महिला प्रदेशाध्यक्षपदाची जबाबदारीही त्यांनी सोडली होती. या पार्श्वभूमीवर आता चाकणकर यांनी व्यवसाय क्षेत्रात प्रवेश केल्याने त्यांच्या नव्या वाटचालीची चर्चा सुरू झाली आहे. (Rupali Chakankar)

उद्घाटनाला जयंत पाटील, सुनील शेळके

‘द नाईन्स’च्या उद्घाटन कार्यक्रमाला जयंत पाटील आणि सुनील शेळके यांची उपस्थिती विशेष चर्चेचा विषय ठरली आहे. राजकारणात सक्रिय असलेल्या नेत्यांच्या उपस्थितीमुळे या कार्यक्रमाची राजकीय वर्तुळातही चर्चा होत आहे. (Rupali Chakankar)

बदनामी प्रकरणात 19 जणांवर गुन्हा

दरम्यान, रूपाली चाकणकर यांच्या बदनामी केल्याप्रकरणी पुण्यातील शिवाजीनगर पोलीस ठाण्यात तक्रार दाखल करण्यात आली होती. त्यानंतर 19 जणांविरोधात गुन्हा दाखल झाल्याची माहिती समोर आली आहे. या प्रकरणात विविध राजकीय आणि सोशल मीडिया क्षेत्रातील व्यक्तींचा समावेश असल्याचे सांगितले जात आहे. (Rupali Chakankar)

एकीकडे राजकीय वाद आणि दुसरीकडे व्यवसायात नवी सुरुवात, यामुळे रूपाली चाकणकर यांचा ‘द नाईन्स’ हा नवा व्यवसाय सध्या चर्चेचा विषय ठरला आहे. (Rupali Chakankar)

Rupali Chakankar : अखेर राष्ट्रवादी काँग्रेस महिला प्रदेशाध्यक्षपदाचा तिढा सुटला, रुपाली चाकणकरांच्या जागी कोणाची निवड?