Rupali Chakankar : पुण्यात सामाजिक आणि राजकीय क्षेत्रात दीर्घकाळ काम करताना वाढत्या वैयक्तिक टीकेमुळे त्रास होत असल्याची खंत राष्ट्रवादी काँग्रेस (अजित पवार गट) महिला आघाडीच्या प्रदेशाध्यक्ष रुपाली चाकणकर यांनी व्यक्त केली आहे. “गेली २०-२२ वर्षे संयमाने टीका सहन केली, मात्र आता कुटुंबालाही त्रास दिला जातोय, हे भयावह आहे,” असे त्यांनी म्हटले. दरम्यान, नाशिकमधील भोंदू बाबाच्या प्रकरणात आरोपी अशोक खरात विरोधात गुन्ह्यांची संख्या वाढत असून, आणखी तक्रारी दाखल झाल्याची माहिती एसआयटीने दिली आहे. या पार्श्वभूमीवर चाकणकर यांचे नावही चर्चेत आले असून, त्या संबंधित ट्रस्टमध्ये पदाधिकारी होत्या. त्यांना चौकशीसाठी बोलावले जाऊ शकते, अशी चर्चा आहे. Rupali Chakankar यावर स्पष्टीकरण देताना चाकणकर म्हणाल्या की, खरात प्रकरणात मी पहिल्याच दिवशी भूमिका स्पष्ट केली आहे. तपास निष्पक्ष व्हावा म्हणून आयोगाच्या अध्यक्षपदाचा राजीनामा दिला. माझ्यावर झालेल्या आरोपांबाबत पुराव्यासह उत्तर दिले आहे. सत्य समोर येईलच, असे त्यांनी म्हटले आहे. Rupali Chakankar चाकणकर यांनी सोशल मीडियावर पोस्ट करत आपली भूमिका मांडली. त्यांनी सांगितले की, माझ्या कार्यप्रवासात अनेकांनी साथ दिली असून त्याबद्दल त्यांनी आभार मानले. दरम्यान, त्यांच्या हाताच्या जखमेबाबत सोशल मीडियावर चुकीची माहिती पसरत असल्याचेही स्पष्ट करण्यात आले. स्थानिक मंडळाच्या पदाधिकाऱ्यांनी दिलेल्या माहितीनुसार, गाडीचा दरवाजा बंद करताना त्यांच्या बोटाला दुखापत झाली होती. मात्र, त्याचा चुकीचा अर्थ लावून फोटो व्हायरल करण्यात आल्याचे सांगण्यात आले. या सर्व घडामोडींमुळे चाकणकर प्रकरण पुन्हा चर्चेत आले असून, तपासाच्या निष्कर्षाकडे सर्वांचे लक्ष लागले आहे. Rupali Chakankar