नवी दिल्ली – एसएस राजामौलीचा बहुप्रतिक्षित चित्रपट आरआरआर शुक्रवारी 25 मार्च 2022 रोजी थिएटरमध्ये प्रदर्शित होणार आहे. बाहुबली सारखा रेकॉर्डब्रेक चित्रपट बनवणारे एसएस राजामौली पुन्हा एकदा बिग बजेट चित्रपट घेऊन येत आहेत. या चित्रपटाचे अॅडव्हान्स बुकिंग सुरू झाले असून यावरून हा चित्रपट बॉक्स ऑफिसवर नवे रेकॉर्ड बनवण्याच्या तयारीत असल्याचा अंदाज वर्तवला जात आहे. बाहुबली आणि पुष्पाच्या कलेक्शनला बॉक्स ऑफिसवर आरआरआर आव्हान देऊ शकतो, असे मानले जात आहे.

सध्या ‘द कश्मीर फाइल्स’ हा चित्रपट बॉक्स ऑफिसवर चांगली कमाई करत आहे, त्यामुळे राजामौलीचा आरआरआर या चित्रपटाचा विक्रम मोडीत काढू शकतो का, हे पाहणे महत्वाचे आहे. पहिल्या दिवसाच्या कमाईचे मूल्यांकन चित्रपटाच्या आगाऊ बुकिंगच्या संदर्भात केले जात असले तरी ते खूपच जबरदस्त आहे. बुकिंगचे आकडे पाहता, काही लोकांना त्याची सुरुवातीची कमाई सुमारे 250 कोटी असण्याची अपेक्षा आहे. बुकिंग सतत सुरू आहे, त्यामुळे हा चित्रपट आतापर्यंतचे सर्व रेकॉर्ड मोडू शकतो, असा अंदाज जाणकार वर्तवत आहेत.

#RRR day 1 expected worldwide gross close to ₹250 crores.

Telugu states (110), Overseas (75), Hindi (25), Karnataka (14), TN (10), Kerala (4). pic.twitter.com/u1xjko8EAn

— LetsCinema (@letscinema) March 23, 2022

या मेगा स्टार चित्रपटाची आगाऊ बुकिंग बुधवारपासूनच सुरू झाली आहे, या चित्रपटात एनटीआर ज्युनियर, राम चरण, अजय देवगण आणि आलिया भट्ट मुख्य भूमिकेत आहेत. ताज्या मीडिया रिपोर्टनुसार, आरआरआरच्या आगाऊ बुकिंगने आतापर्यंतचे सर्व रेकॉर्ड मोडले आहेत. बातम्यांनुसार, आरआरआर तेलगू राज्यांमध्ये 110 कोटी रुपये, परदेशात 75 कोटी रुपये, हिंदीमध्ये 25 कोटी रुपये, कर्नाटकमध्ये 14 कोटी रुपये, तामिळनाडूमध्ये 10 कोटी रुपये, केरळमध्ये 4 कोटी रुपये कमावणार आहे. याआधी बाहुबली 2 ने पहिल्या दिवशी जवळपास 121 कोटींचा व्यवसाय केला होता. आता आरआरआर ची आगाऊ बुकिंग पाहता एसएस राजामौलीचा आरआरआर बाहुबली 2 चा रेकॉर्डही मोडू शकतो असा अंदाज वर्तवला जात आहे.