Rohit Sharma Recalls Steve Smith Shikhar Dhawan Sledging Fight Family Full House Promo : भारतीय क्रिकेट संघाचा माजी कर्णधार रोहित शर्माने (Rohit Sharma) ऑस्ट्रेलिया दौऱ्यावरील एका गाजलेल्या राड्याची आठवण ताजी केली आहे. मैदानात ऑस्ट्रेलियन दिग्गज स्टीव्ह स्मिथ आणि भारताचा माजी सलामीवीर शिखर धवन यांच्यात झालेल्या जोरदार वादावर रोहितने भाष्य केले. आपल्या आगामी ‘फॅमिली फुल हाउस विथ रोहित शर्मा’ या गेम शोच्या प्रोमोशनल व्हिडिओमध्ये रोहितने शिखर धवनच्या जिद्दी आणि निडर स्वभावाचे भरभरून कौतुक केले असून, सहकाऱ्यांच्या मदतीसाठी ‘गब्बर’ कसा धावून यायचा याचा रंजक किस्सा सांगितला.

स्मिथने अडवला चेंडू अन् पेटला वाद; रोहितने सांगितला मैदानावरील किस्सा –

त्या प्रसंगाची आठवण सांगताना रोहित म्हणाला, “आम्ही ऑस्ट्रेलियात खेळत होतो. मी गोलंदाजी करत असताना स्टीव्ह स्मिथ फलंदाजी करत होता. स्मिथने चेंडू पुढे येऊन पॅडने अडवला. मी पंचांकडे पायचितचे जोरदार अपील केले. तेव्हा स्मिथ पंचांना म्हणाला, ‘हा कशाचे अपील करतोय?’ मग मीही त्याला थोडे डिवचत प्रत्युत्तर (बॅम्बू) दिले.” पुढे रोहितने सांगितले की जेव्हा वाद वाढू लागला, तेव्हा शिखर धवन लगेच पुढे आला. “जिथे भांडण होते आणि एकमेकांच्या साथीची गरज असते, तिथे शिखर धवन कधीच मागे हटायचा नाही,” असे रोहितने आवर्जून नमूद केले.

When Gabbar has your back 🫶

Shuru ho raha hai 19th September se raat 9:30 baje, sirf #SonyEntertainment Television aur Sony LIV par.#RohitSharma #FamilyFullHouse #ComingSoon #SonyTV@ImRo45 pic.twitter.com/KIa1QaKEDl

— sonytv (@SonyTV) September 11, 2026

धवन आणि स्मिथच्या वादाचा व्हिडीओ पुन्हा व्हायरल –

Reelchod chokli fans are crying in quotes on the basis of whatever they’ve seen on insta reels. There’s a reason people call them under 18 kids 😭🙏 https://t.co/30VMhlQm3p pic.twitter.com/5YZvrPpKwM

— ` (@V1shu45) September 11, 2026

रोहित शर्माने या जुन्या वादाला उजाळा दिल्यानंतर सोशल मीडियावर शिखर धवन आणि स्टीव्ह स्मिथ यांच्यातील त्या जुन्या वादाचा व्हिडीओ पुन्हा एकदा तुफान व्हायरल होत आहे. या व्हिडिओमध्ये तत्कालीन कर्णधार विराट कोहलीसुद्धा ऑस्ट्रेलियन खेळाडूंना उत्तर देताना दिसत आहे. मैदानावरील आक्रमक फलंदाजीसोबतच प्रतिस्पर्धी खेळाडूंच्या डोळ्यात डोळे घालून चोख प्रत्युत्तर देण्याच्या आपल्या ‘गब्बर’ स्टाईलसाठी शिखर धवन नेहमीच ओळखला जात होता.

हेही वाचा – Delhi Athletes Stipend : खेळाडूंसाठी खुशखबर! दरमहा बँक खात्यात जमा होणार २ हजार रुपये; राज्य सरकारचा ऐतिहासिक निर्णय

१९ सप्टेंबरपासून रोहितचा नवा गेम शो; ड्रेसिंग रूमचे उलगडणार गुपिते –

Rohit Sharma is lying on TV. It was Kohli, not Dhawan, who supported Rohit when he was arguing with Smith and Warner.

Rohit got badly exposed here. Why did Rohit lie on TV in front of everyone? 😭😂 pic.twitter.com/YS1UkfLWuW https://t.co/etTav9AGrJ

— 𝗦𝗮𝗻𝗱𝗵𝘂¹⁸ (@Sandhufied) September 11, 2026

रोहित शर्माचा ‘फॅमिली फुल हाउस विथ रोहित शर्मा’ हा नवा गेम शो १९ सप्टेंबर २०२६ पासून रात्री ९:३० वाजता ‘सोनी एंटरटेनमेंट टेलिव्हिजन’ आणि ‘सोनी लिव्ह’ या ओटीटी प्लॅटफॉर्मवर सुरू होत आहे. या कार्यक्रमाच्या माध्यमातून ‘हिटमॅन’चा एक अत्यंत वैयक्तिक, विनोदी आणि कौटुंबिक अंदाज प्रेक्षकांना पाहायला मिळणार आहे. क्रिकेट कारकिर्दीतील अनेक आठवणी, ड्रेसिंग रूममधील न ऐकलेले किस्से आणि खेळाडूंसोबतचे मजेदार प्रसंग रोहित या मंचावरून शेअर करणार आहे.