Ram Mandir Pran Pratishtha : अयोध्येतील राम मंदिराचा अभिषेक 22 जानेवारी 2024 रोजी होणार आहे. हा कार्यक्रम मंदिराची व्यवस्थापकीय संस्था श्री रामजन्मभूमी तीर्थ क्षेत्र यांच्या देखरेखीखाली पूर्ण होईल. हीच संस्था या भव्य सोहळ्यासाठी देशभरातून आणि जगभरातील लोकांना निमंत्रित करत आहे. या अंतर्गत या कार्यक्रमासाठी 8000 लोकांना निमंत्रित करण्यात आले आहे. . मात्र, या आठ हजारांपैकी सहा हजार संत असतील, असेही बोलले जात आहे. उर्वरित दोन हजार पाहुण्यांमध्ये रामजन्मभूमीसाठी लढलेल्यांची कुटुंबे, कामगार आणि प्रसिद्ध व्यक्तींचा समावेश असेल.

तसेच अयोध्येतील नवीन भव्य मंदिरात राम लल्लाच्या अभिषेक प्रसंगी देशातील नामवंत व्यक्तींना सुध्दा निमंत्रित करण्यात आले आहे. कलाकार, साहित्यिक, धार्मिक नेते आणि क्रीडा जगतातील मोठ्या व्यक्तींचा यामध्ये समावेश आहे. 22 जानेवारीच्या निमंत्रणात पाठवण्यात आलेल्या प्रमुख नावांमध्ये अमिताभ बच्चन, अक्षय कुमार, आशा भोसले, रतन टाटा, मुकेश अंबानी यांच्या नावांचा समावेश आहे.

क्रीडाविश्वातूनही एक एक नाव पुढे येत आहे. या कार्यक्रमासाठी सचिन तेंडुलकर आणि विराट कोहली यांनाही आमंत्रित करण्यात आल्याची बातमी बुधवारीच आली. आता रोहित शर्मालाही निमंत्रण मिळाल्याच्या बातम्या येत आहेत. टीम इंडियाचा कर्णधार रोहित शर्मालाही अयोध्येतील राम मंदिरासाठी पुढील महिन्यात होणाऱ्या प्राणप्रतिष्ठा कार्यक्रमाचे निमंत्रण मिळाले आहे. या कार्यक्रमासाठी निमंत्रित करण्यात आलेल्या 8 हजार लोकांमध्ये त्याचा समावेश आहे. मीडिया रिपोर्ट्समध्ये ही बाब समोर आली आहे.

IND vs SA ODI Series : ‘हा’ भारतीय खेळाडू विराट कोहलीचेही मोडेल विक्रम; वनडेमध्ये ठरतोय प्रभावी फलंदाज…

रोहित आणि विराटला कार्यक्रमाला उपस्थित राहणे कठीण…

रोहित शर्मा आणि विराट कोहली यांना या कार्यक्रमात सहभागी होणे थोडे कठीण जाईल. भारत आणि इंग्लंड यांच्यातील पाच सामन्यांची कसोटी मालिका 25 जानेवारीपासून सुरू होणार आहे. कसोटी क्रिकेटमध्ये इंग्लंड हा संघ खूप मजबूत आहे. जेव्हा राम मंदिर प्राणप्रतिष्ठा कार्यक्रम होईल, तेव्हा रोहित आणि विराट इंग्लंडच्या आव्हानाला तोंड देण्यासाठी तयारी करत असतील. अशा परिस्थितीत या दोघांनाही सामन्याच्या दोन दिवस आधी कोणत्याही कार्यक्रमात सहभागी होणे शक्य होणार नाही.