Rohit Pawar : राज्याचे उपमुख्यमंत्री अजित पवार यांचे अपघाती निधन झाले आहे. त्यांच्या विमानाला भीषण अपघात झाला. बारामती याठिकाणी विमानाचे लँडिग होत असताना अपघात झाला. हा अपघात इतका भीषण होता की विमान जळून खाक झाले आहे. त्यातच अजित पवारांचे निधन झाले आहे. त्यांच्या निधनाची बातमी समजताच त्यांचे पुतणे राष्ट्रवादी काँग्रेस(शरदचंद्र पवार) पक्षाचे आमदार रोहीत पवार (Rohit Pawar ) यांना मोठा धक्का बसला.अजित पवार यांना ज्या रुग्णालयात उपचारासाठी दाखल करण्यात आले होते त्या रुग्णालायत रोहित पवार रडतच दाखल झाले. बारामती मेडिकल कॉलेजच्या बाहेर राष्ट्रवादी काँग्रेसच्या कार्यकर्त्यांची मोठी गर्दी जमली आहे. आमदार रोहित पवार मेडिकल कॉलेज परिसरात दाखल त्यावेळी कार्यकर्त्यांकडून मोठा आक्रोश करण्यात येत आहे. तसेच रोहित पवारांनाही अश्रू अनावर झाल्याचे पाहायला मिळाले. दरम्यान,आज बारामतीमध्ये उपमुख्यमंत्री अजित पवारांच्या चार सभा होणार होत्या. मात्र त्याअगोदरच तयांचयावर काळाने घाला घातला.