Reel Star Accident : कल्याण परिसरातील लोकप्रिय रीलस्टार प्रेम भाटी याचा दुर्दैवी अपघातात मृत्यू झाला आहे. शनिवारी पहाटे मोहने परिसरातून दुचाकीवरून घरी परतत असताना रस्त्यावर पडलेल्या खडीमुळे त्याची दुचाकी घसरली. या अपघातात डोक्याला गंभीर दुखापत झाल्याने त्याला तातडीने रुग्णालयात दाखल करण्यात आले. मात्र उपचारादरम्यान डॉक्टरांनी त्याला मृत घोषित केले. (Reel Star Accident)

मिळालेल्या माहितीनुसार, शनिवारी पहाटे सुमारे ३ वाजण्याच्या सुमारास प्रेम भाटी मोहने परिसरातून आपल्या घरी जात होता. यावेळी रस्त्यावर साचलेल्या खडीमुळे त्याच्या दुचाकीचा ताबा सुटला आणि तो रस्त्यावर कोसळला. अपघातात त्याच्या डोक्याला गंभीर मार लागल्याने त्याची प्रकृती चिंताजनक झाली होती. (Reel Star Accident)

 

या घटनेनंतर रिक्षा असोसिएशनचे अध्यक्ष शिवाजी पाटील यांनी तीव्र संताप व्यक्त केला आहे. रस्त्यावर पडलेल्या खडीमुळे हा अपघात घडल्याचा आरोप करत संबंधित जबाबदार अधिकाऱ्यांवर कठोर कारवाई करण्याची त्यांनी मागणी केली. रस्ते दुरुस्ती आणि देखभालीतील निष्काळजीपणामुळे निष्पाप नागरिकांना जीव गमवावा लागत असल्याचेही त्यांनी म्हटले. (Reel Star Accident)

प्रेम भाटी सोशल मीडियावरील मनोरंजक रील्समुळे मोठ्या प्रमाणात लोकप्रिय झाला होता. त्याच्या अकाली निधनाने चाहत्यांसह मित्रपरिवारावर शोककळा पसरली आहे. दरम्यान, अपघाताचे नेमके कारण शोधण्यासाठी पोलिसांनी तपास सुरू केला असून घटनास्थळावरील पुराव्यांची पाहणी करण्यात येत आहे. (Reel Star Accident)