ग्रामीण पोलिसांनी केलेल्या उपाययोजनांचे फलीत

पुणे – पुणे जिल्ह्याच्या ग्रामीण भागातून जाणाऱ्या महामार्गांवरील अपघातांमध्ये मागील चार वर्षांच्या तुलनेत 2019 मध्ये किरकोळ घट झाली आहे. मागील काही महिन्यांपासून सातत्याने ग्रामीण पोलिसांनी केलेल्या उपाययोजनांचे हे फलीत आहे. तरीही मागील वर्षी राज्यात सर्वाधिक अपघातांमध्ये पुणे ग्रामीणचा दुसरा क्रमांक लागतो.

पुणे ग्रामीणमध्ये 2016, 2017 आणि 2018 मध्ये राज्यभरातील महामार्गावर सर्वाधिक मृत्यूची नोंद झाली. यानंतर पुणे ग्रामीण पोलिसांत मागील वर्षी 855 मृत्यूंची नोंद झाली. ती महाराष्ट्रातील दुसऱ्या क्रमांकाची आहे. मृत्यूंमध्ये किंचीत घट झाली असल्याचे दिसत आहे. यासंदर्भात पोलिसांनी सांगितले की, पुणे ग्रामीणच्या हद्दीत मोठ्या संख्येने राज्य व राष्ट्रीय महामार्ग त्यांच्या हद्दीतून गेला आणि या रस्त्यांवरील बहुतेक अपघात पहाटेच्या दरम्यान घडतात.

पोलीस अधीक्षक (पुणे ग्रामीण) संदीप पाटील म्हणाले, जिल्ह्यात राष्ट्रीय व राज्य महामार्गाचे जाळे मोठे आहे आणि सर्वांवर नजर ठेवणे शक्‍य नाही. महामार्गांवरील अपघात कमी करण्यासाठी आम्ही काही केंद्रित योजना तयार केल्या आहेत. आम्ही मागील वर्षी प्रत्येक पोलीस स्टेशनमध्ये वाहतूक शाखा सुरू केली. प्रत्येक शाखेत 15 कर्मचारी आणि एक अधिकारी असतात. त्यांच्यामार्फत त्यांच्या हद्दीतून जाणारे महामार्गावरील वाहतूक नियंत्रण केली जाते. यासाठी जाण्यासाठी त्यांच्याकडे पेट्रोलिंग वाहन आहे. त्याचवेळी पुणे ग्रामीण पोलिसांनी रस्त्याच्या नियमांचे उल्लंघन करणाऱ्या वाहनचालकांवर कडक कारवाई केली आहे. यावर मुख्य भर रस्त्यांच्या चुकीच्या बाजूने येणाऱ्या वाहनचालकांवर होता. आम्ही विविध महामार्गांवर बेकायदेशीरपणे बनविलेले अनेक पंक्‍चर दुरुस्त केले. राज्य व राष्ट्रीय महामार्गांची सुरक्षा सुनिश्‍चित करण्यासाठी पुणे ग्रामीण पोलीस महामार्ग सुरक्षा गस्ती (एचएसपी) अधिकाऱ्यांशी समन्वय साधून काम करीत आहोत.

1200 हून अधिक जणांवर कारवाई
एचएसपी अधिकाऱ्यांनी सांगितले की, इंटरसेप्टर वाहने सुरू केल्याने पोलिसांनी वेगवान वाहन चालविण्यांवर नजर ठेवली आहे. दोन महिन्यांत वेगवान आणि चुकीच्या पद्धतीने वाहन चालविल्याबद्दल आम्ही 1200 हून अधिक जणांवर कारवाई केली आहे. महामार्गांशी संबंधित काही पायाभूत सुविधांचा प्रश्‍न आहेत. पोलिसांनी संबंधित अधिकाऱ्यांशी संबंधित विषयांवर चर्चा केली आहे. पुणे ग्रामीण पोलीस आणि एचएसपी अधिकाऱ्यांनी मागील एका वर्षात दारूच्या नशेत दारू पिऊन वाहन चालवणाऱ्या लोकांवर कारवाईची तीव्रता वाढविली आहे.

पुणे पोलीस आयुक्‍तालय हद्दीतील प्राणांतिक अपघातांत 18.57 टक्‍के घट
महामार्गाप्रमाणे पुणे पोलीस आयुक्‍तालयाच्या हद्दीतील प्राणांतिक अपघातांच्या संख्येत मागील वर्षीच्या तुलनेत सन 2019 मध्ये 18.57 टक्‍के घट झाली आहे. मागील दोन वर्षांच्या तुलनेत सन 2019 मध्ये किरकोळ अपघातांमध्ये सर्वाधिक म्हणजेच 27.55 घट झाली आहे. परंतु, गंभीर अपघातांमध्ये केवळ 0.6 टक्‍क्‍यांनी घट झाली आहे. शहरात सन 2019 मध्ये 206 प्राणांतिक, 463 गंभीर आणि 163 किरकोळ अपघाताची नोंद पोलिसांकडे आहे.