जगात प्रत्येकाला आरामदायी नोकरी हवी असते, ती म्हणजे जिथे काम कमी आणि पगार जास्त असतो. तर काहींना कामाचा ताण कमी असणाऱ्या जागी नोकरी करायची इच्छा असते. अशात अलीकडेच पिझा खाण्याचा जॉबची जाहिरात एका कंपनी कडून  देण्यात आली आहे. जिथे फक्त काम नाही तर पैसाच हा पैसा फक्त पिझा खाऊन मिळणार आहे. इथे कामाच्या नावावर फक्त खावं लागतं, तोही बहुतेकांचा आवडता, जबरदस्त पिझ्झा.

खरं तर, युनिव्हर्सिटी ऑफ विस्कॉन्सिन-मॅडिसन सेंटर फॉर डेअरी रिसर्च अशा लोकांना कामावर ठेवू इच्छित आहे ज्यांना पदार्थांची चव कशी  आहे हे ओळखता येते. त्यांना फक्त खाण्याची आणि चवीबद्दल सांगायचे असते. वर्णनात्मक सेन्सरी पॅनेलिस्टच्या या पदावर, प्रत्येक एका तासासाठी चांगली रक्कम दिली जाईल. येथे पॅनल चर्चा, प्रशिक्षण सत्र आणि इतर कार्यक्रमांमध्ये देखील सहभागी व्हावे लागेल.

पोझिशनमध्ये असे सांगण्यात आले आहे की, ‘डेअरी रिसर्च सेंटर सर्व प्रकारच्या खाद्यपदार्थांमध्ये स्वारस्य असलेल्या लोकांना शोधत आहे, परंतु विशेषतः चीज, पिझ्झा आणि इतर दुग्धजन्य पदार्थांमध्ये  पदार्थ  खाणारे लोक हे सेंटर शोधत आहे.  हे जॉब प्रोफाइल अशा लोकांना योग्य ठरेल ज्यांना  खाण्याची आवड आहे, आणि त्यांना त्यांच्याबद्दल माहिती आहे. चव घ्या आणि त्याचे अधिक चांगल्या प्रकारे वर्णन करू शकता. पॅनेलमध्ये त्याच्या पोत, चव आणि सुगंधाच्या वैशिष्ट्यांबद्दल बोलू शकता.

त्यात असेही म्हटले आहे की, “एकदा कामावर घेतल्यावर, तुम्हाला सक्षम तज्ञ परीक्षकांच्या गटाचा भाग होण्यासाठी प्रशिक्षित केले जाईल. या नोकरीमध्ये 24 चीजचे नमुने घेणे आणि 12 पिझ्झा खाणे, इतर खाद्यपदार्थांसह संपूर्ण आठवडाभर समाविष्ट आहे. “विद्यापीठानुसार, एक सत्र तीन तासांचे असेल आणि पॅनेलच्या सदस्यांना दर आठवड्याला तीन सत्रांमध्ये उपस्थित राहणे आवश्यक आहे. पेमेंट $15 प्रति तास म्हणजेच $45 प्रति सत्र दिले जाईल. अनुभवी पॅनेलच्या सदस्यांना प्राधान्य दिले जाईल.’

तुम्ही तुमचा रेझ्युमे पाठवण्यापूर्वी, हे जाणून घ्या की ही नोकरी मॅडिसन, विस्कॉन्सिन येथे आहे. परंतु जर तुम्हाला वाटत असेल की तुम्ही नोकरीसाठी तयार आहात, तर तुम्ही थेट विस्कॉन्सिन-मॅडिसन विद्यापीठाच्या वेबसाइटला भेट देऊन या पदासाठी अर्ज करू शकता.