RBI fine : भारतीय रिझर्व्ह बँकेने (RBI) नियामक नियमांचे पालन करण्यात त्रुटी आढळल्याने सार्वजनिक क्षेत्रातील कॅनरा बँकेवर 41.8 लाख रुपयांचा दंड ठोठावला आहे. बँकेकडून ‘नो युवर कस्टमर’ (KYC) नियमांचे तसेच खात्यांच्या वर्गीकरणासंदर्भातील काही तरतुदींचे पालन करण्यात झालेल्या हलगर्जीपणामुळे ही कारवाई करण्यात आली आहे.

आरबीआयने 31 मार्च 2025 रोजी संपलेल्या आर्थिक वर्षासाठी केलेल्या पर्यवेक्षी मूल्यमापनादरम्यान या त्रुटी निदर्शनास आल्या. त्यानंतर बँकेला कारणे दाखवा नोटीस बजावण्यात आली होती. बँकेच्या उत्तराचा विचार केल्यानंतर दंडात्मक कारवाईचा निर्णय घेण्यात आला.  (RBI fine)

हे एक आहे महत्वाचे कारण – (RBI fine)

आरबीआयच्या माहितीनुसार, कॅनरा बँकेने काही ग्राहकांची केवायसी नोंद निर्धारित कालमर्यादेत सेंट्रल केवायसी रेकॉर्ड्स रजिस्ट्री (CKYCR) मध्ये अपलोड केली नव्हती. तसेच काही खात्यांना निष्क्रिय (Inoperative) श्रेणीत टाकण्यात आले होते, मात्र त्या खात्यांमधील ग्राहकांचे शेवटचे व्यवहार एक वर्षापेक्षा कमी कालावधीपूर्वी झालेले होते. त्यामुळे खात्यांच्या वर्गीकरणासंबंधीच्या नियमांचेही उल्लंघन झाल्याचे आढळले.   (RBI fine)

पुरण असोसिएट्स प्रायव्हेट लिमिटेड या संस्थेवरही कारवाई –  (RBI fine)

दरम्यान, आरबीआयने पुरण असोसिएट्स प्रायव्हेट लिमिटेड या संस्थेवरही 3.1 लाख रुपयांचा दंड आकारला आहे. मालमत्ता वर्गीकरण (Asset Classification) संदर्भातील निर्देशांचे पालन करण्यात त्रुटी आढळल्याने ही कारवाई करण्यात आली.   (RBI fine)

 

आरबीआयने स्पष्ट केले की, हे दंड संबंधित संस्थांकडून नियामक नियमांच्या पालनात झालेल्या त्रुटींमुळे लावण्यात आले आहेत. या कारवाईचा ग्राहक आणि संबंधित संस्था यांच्यातील व्यवहार किंवा करारांच्या वैधतेशी कोणताही संबंध नसून त्यावर कोणतीही टिप्पणी समजू नये. त्यामुळे या सर्व प्रकाराचा बॅंकेच्या ग्राहकांवर कोणताही परिणाम होणार नाही. सर्व खातेदारांचे पैसे सुरक्षित आहेत.