Supriya Sule : मुख्यमंत्री ‘माझी लाडकी बहीण’ योजनेवरून पुन्हा एकदा राजकीय वातावरण तापले आहे. छाननी प्रक्रियेनंतर मोठ्या प्रमाणात महिलांचे अर्ज अपात्र ठरल्याची माहिती समोर आल्यानंतर विरोधकांनी सरकारवर जोरदार टीका सुरू केली आहे.

सुमारे 80 लाख महिलांना या योजनेतून वगळण्यात आल्याचा दावा होत असून, यामुळे सरकारच्या अंमलबजावणी प्रक्रियेवर प्रश्नचिन्ह उपस्थित केले जात आहे. याच पार्श्वभूमीवर शरद पवार गटाच्या खासदार सुप्रिया सुळे यांनी सरकारवर गंभीर आरोप केले आहेत.

सुप्रिया सुळेंचा मोठा दावा  (Supriya Sule)

सुप्रिया सुळे यांनी दावा केला की, माध्यमांमध्ये 80 लाख महिलांची आकडेवारी समोर येत असली तरी प्रत्यक्षात हा आकडा सव्वा कोटींच्या आसपास असल्याची शक्यता आहे. विधानसभा निवडणुकीपूर्वी कोणतीही सखोल पडताळणी न करता मोठ्या प्रमाणात महिलांना लाभ देण्यात आला आणि निवडणुका संपल्यानंतर अचानक छाननी सुरू करून अनेकांना अपात्र ठरवण्यात आले, असा आरोप त्यांनी केला.

हेही वाचा : Ramdas Athawale : भाजप-सेनेला जुन्या दिवसांची आठवण; रामदास आठवलेंची सोशल मीडियावरील पोस्ट चर्चेत थेट म्हणाले…

यामागे राजकीय हेतू असू शकतो का, निवडणुकीपूर्वी मतांसाठी हा लाभ दिला गेला का, असे सवालही त्यांनी उपस्थित केले आहेत.

दरम्यान, मुख्यमंत्री देवेंद्र फडणवीस यांनी या सर्व चर्चांना पूर्णविराम देत स्पष्ट केले आहे की, अपात्र ठरलेल्या आणि पूर्वी लाभ घेतलेल्या महिलांकडून कोणतीही रक्कम परत वसूल केली जाणार नाही. यामुळे लाभार्थी महिलांमध्ये निर्माण झालेली भीती दूर झाली आहे.

लाडकी बहीण योजना टप्प्याटप्प्याने बंद करण्याचा प्रयत्न   (Supriya Sule)

तसेच, किरकोळ त्रुटींमुळे अपात्र ठरलेल्या महिलांना पुन्हा संधी देण्यात येणार असून, लवकरच KYC प्रक्रिया पुन्हा सुरू करून विशेष विंडो उपलब्ध करून दिली जाणार आहे. तर या योजनेवरून विरोधकांकडून सातत्याने सरकारवर टीका केली जात आहे. या योजनेचा टप्प्याटप्प्याने विस्तार कमी करून अखेर ती बंद करण्याचा प्रयत्न सुरू असल्याचा दावा विरोधकांकडून केला जात आहे.

हेही वाचा : Vikram Kakade : कोण आहेत विक्रम काकडे? उमेदवारी कशी मिळाली? पडद्यामागच्या राजकारणाची चर्चा