Ladki Bahin Yojana : महाराष्ट्र सरकारच्या मुख्यमंत्री माझी लाडकी बहीण योजना (Ladki Bahin Yojana) अंतर्गत आर्थिक उत्पन्न अडीच लाखांपेक्षा कमी असलेल्या कुटुंबातील २१ ते ६५ वयोगटातील महिलांना दरमहा ₹१,५०० थेट बँक खात्यात जमा केले जातात. ही योजना (Ladki Bahin Yojana) महिलांच्या आर्थिक सशक्तीकरणासाठी अत्यंत लोकप्रिय ठरली आहे. मात्र, गेल्या काही महिन्यांपासून लाभार्थ्यांना हप्त्यांमध्ये अनियमितता आणि विलंब जाणवत आहे. जानेवारी २०२६ नंतर फेब्रुवारी आणि मार्च महिन्याचे हप्ते अद्याप अनेक लाभार्थ्यांच्या खात्यात जमा झालेले नाहीत. यामुळे लाखो महिलांमध्ये अस्वस्थता निर्माण झाली आहे. आता समोर आलेल्या माहितीनुसार, फेब्रुवारी आणि मार्च महिन्याचे दोन हप्ते एकत्रितपणे एप्रिल २०२६ च्या पहिल्या आठवड्यात लाभार्थ्यांच्या खात्यात जमा होणार आहेत. यामुळे पात्र महिलांच्या बँक खात्यात एकदम ₹३,००० जमा होण्याची शक्यता आहे. ladki bahin yojana अपात्र महिलांचा लाभ बंद होणार योजनेच्या सुरुवातीला अनेक अपात्र महिलांनीही लाभ घेतला होता. त्यामुळे सरकारने ई-केवायसी (e-KYC) सक्तीची केली. सुरुवातीला ३१ डिसेंबर २०२५ पर्यंत मुदत देण्यात आली होती. मात्र, केवायसी करताना काही तांत्रिक चुका (जसे चुकीचा पर्याय निवडणे, OTP समस्या इ.) झालेल्या महिलांसाठी दुरुस्तीची संधी देण्यात आली आहे. आता ३१ मार्च २०२६ पर्यंत ही मुदतवाढ देण्यात आली आहे. ही प्रक्रिया पूर्णपणे ऑनलाइन उपलब्ध आहे. 31 मार्चनंतर काय होईल? ज्या महिलांनी केवायसी पूर्ण केली नाही किंवा दुरुस्ती केली नाही, त्यांचा लाभ एप्रिल २०२६ पासून बंद होण्याची शक्यता आहे. अपात्र ठरलेल्या महिलांचे हप्ते थांबतील. केवायसी पूर्ण करून पात्र ठरलेल्या महिलांना रखडलेले सर्व हप्ते एकत्र मिळू शकतात. राज्याच्या अर्थसंकल्प २०२६-२७ मध्ये या योजनेसाठी भरीव तरतूद करण्यात आली आहे. मुख्यमंत्री देवेंद्र फडणवीस यांनी अर्थसंकल्प सादर करताना स्पष्ट केले की, ही योजना कधीही बंद होणार नाही, ती चालूच राहील आणि महिलांच्या सशक्तीकरणासाठी कायम राहील.
