Javed Miandad Breaks Down In Tears Over Imran Khan Jail Condition Dawood Ibrahim Relative : भारताचा मोस्ट वाँटेड दहशतवादी आणि अंडरवर्ल्ड डॉन दाऊद इब्राहिमसोबतच्या कौटुंबिक नात्याचा उघडपणे अभिमान बाळगणारे पाकिस्तानचे माजी दिग्गज फलंदाज जावेद मियांदाद (Javed Miandad) पुन्हा एकदा चर्चेत आले आहेत. नेहमी आपल्या आक्रमक आणि बेधडक वक्तव्यांसाठी ओळखले जाणारे मियांदाद एका मुलाखतीत आपले माजी कर्णधार इम्रान खान (Imran Khan) यांच्या तुरुंगातील बिकट स्थितीवर बोलताना कॅमेऱ्यासमोर ढसाढसा रडले. १९९२ च्या विश्वचषक विजेत्या कर्णधाराच्या प्रामाणिकपणाची ग्वाही देत त्यांनी पाकिस्तान सरकारकडे इम्रान खान यांच्या सुटकेची भावनिक मागणी केली आहे.

‘तो कोणाचे वाईट करणार नाही!’; मियांदाद यांच वक्तव्य

एका यूट्यूब चॅनेलला दिलेल्या मुलाखतीत मियांदाद म्हणाले, “मी इम्रानला अनेक वर्षांपासून ओळखतो. तो अत्यंत प्रामाणिक माणूस असून त्याने कधीही भ्रष्टाचार केलेला नाही; तसे करायचे असते तर त्याने आधीच खूप काही केले असते. त्याला तुरुंगाबाहेर सोडल्यास काय बिघडणार आहे? तो कोणाचे नुकसान करणार आहे का? शेवटी तोही कोणाचा तरी मुलगा आहे. तो तिथे कोणत्या अवस्थेत असेल, याचा विचार करून माझे मन व्याकूळ होते.” मैदानावर आमच्यात काही मतभेद असले, तरी देशाचा विजय हेच आमचे एकमेव ध्येय होते, असेही त्यांनी स्पष्ट केले.

Former Pak cricketer Javed Miandad breaks down seeking Imran Khan’s release from prison. pic.twitter.com/CLPMwUSTa5

— Man Aman Singh Chhina (@manaman_chhina) August 29, 2026

दाऊद इब्राहिमचे व्याही; जुन्या वक्तव्याची पुन्हा चर्चा!

इम्रान खान यांच्यासाठी अश्रू ढाळणारे जावेद मियांदाद हे भारताचा कुख्यात गुन्हेगार दाऊद इब्राहिमचे व्याही आहेत. मियांदाद यांचा मुलगा जुनैद याचा विवाह दाऊदची मुलगी माहरूख हिच्याशी झाला आहे. २०२४ मध्ये दिलेल्या एका मुलाखतीत मियांदाद यांनी, “माझ्या मुलाचे लग्न दाऊदच्या मुलीशी झाले याचा मला अभिमान आहे,” असे वादग्रस्त वक्तव्य केले होते. आता इम्रान यांच्या समर्थनार्थ मियांदाद मैदानात उतरल्याने त्यांच्या दाऊद कनेक्शनची पुन्हा जोरदार चर्चा सुरू झाली आहे.

हेही वाचा – Ashwin Greatest Cricketer : “विराट नव्हे तर बुमराह… धोनीपेक्षा सेहवाग भारी!”; अश्विनने निवडला भारताचा ‘ऑलटाईम ग्रेट’ क्रिकेटर; पाहा कोण आहे?

लॉर्ड्स कसोटीत मुलांचा खळबळजनक खुलासा; जागतिक दिग्गजांची मागणी –

लॉर्ड्स कसोटीदरम्यान इम्रान खान यांच्या दोन्ही मुलांनी—सुलेमान आणि कासिम यांनी स्काय स्पोर्ट्सवर बोलताना वडिलांच्या हत्येचा संशय व्यक्त केला होता. इम्रान यांना दिवसातील २३ तास डांबून ठेवले जात असल्याचा आरोप मुलांनी केला. यावरून जागतिक स्तरावर वातावरण तापले असून, भारताचे माजी कर्णधार कपिल देव, सुनील गावस्कर, ऑस्ट्रेलियाचे पॅट कमिन्स आणि ग्रेग चॅपेल यांनीही इम्रान खान यांना योग्य वैद्यकीय उपचार व सन्मान देण्याची मागणी लावून धरली आहे.