जयदीप सूर्यवंशी

रावेत –  गेल्या काही दिवसांत झालेल्या अतिवृष्टीमुळे रावेत, किवळे, मामुर्डी, विकासनगर, देहूरोड, साईनाथनगर आणि आदर्शनगर परिसरातील वीजपुरवठा मोठ्या प्रमाणावर विस्कळीत झाला. अनेक गृहनिर्माण सोसायट्यांमध्ये सलग दोन दिवस वीजपुरवठा खंडित राहिल्याने नागरिकांचे दैनंदिन जीवन पूर्णपणे विस्कळीत झाले.

झपाट्याने वाढणारे नागरीकरण, वाढती वीज मागणी, विद्यमान वितरण यंत्रणेवरील वाढता ताण आणि अतिवृष्टीमुळे निर्माण झालेल्या तांत्रिक अडचणी यामुळे ही परिस्थिती अधिक गंभीर बनल्याचे दिसून येत आहे.

अनेक सोसायटीमध्ये पाणी भरण्यासाठी टाक्‍या असतात. पाणी शुद्ध करण्यासाठी घरात असलेल्या आरो वीज नसल्यावर काम करत नाही, त्यामुळे विकतचे पाणी घ्यावे लागते. अनेक महिला या नोकरी करत असल्याने वाशिंग मशीन डिश वॉशर सारखे आत्याधुनिक साधने वापरतात. वीज पुरवठा खंडित झाल्यास यावर मर्यादा येते. रावेत मधील बहुसंख्य रहिवासी आयटी कर्मचारी आहेत वीज पुरवठा खंडित झाल्यास त्यांच्या दैनंदिन कामा परिणाम होतो

नागरिकांच्या मागण्या
1. रावेत विभाग स्वतंत्र विद्युत सब स्टेशन
2. सर्व जुन्या ट्रांसफार्मर यांचे एरिया वाईज ऑडिट रिपोर्ट तयार करणे
3. एम एस ई बी ऑफिस व बिल्डर कडून बसवण्यात येणाऱ्या ट्रांसफार्मर व फिडर यांचे ऑडिट करणे
3. विद्युत अंडरपास केबल पुढे असणारा लोड चेक करून केबलची कॅपॅसिटी चेक करणे व तसा रिपोर्ट करणे.
4. कमी कपॅसिटर चे फिडर बसवले असतील तर त्याची कपॅसिटी वाढवणे
5. जे विद्युत फिडर पाण्याखाली जातात त्याचे ऑडिट करून नोंदणी करणे व त्याची उंची वाढवणे किंवा पर्यायी शिफ्ट करणे
6. जुन्या कमी कपॅसिटीच्या केबल वरती व फीडर वरती नवीन बिल्डिंग कंप्लिशन लेटर दिले जात आहे त्याची पडताळणी करणे
7. बिल्डर करून बसवण्यात येणारे फिडर एमएसईबी अप्रुव्हल सर्टिफिकेशन अंतर्गत बसवण्यात यावेत ..
9. सध्या असलेल्या सेलेस्टिसिटी शेजारील विद्युत ऑफिसमध्ये कोणतेही नेटवर्क कोणतीही स्मार्ट इंटरनेट सुविधा त्याचबरोबर कोणत्याही कर्मचारी यांचा फोन लागत नाही त्यामुळे कम्युनिकेशन होत नाही त्यासाठी आत्ता लगेच पर्यायी व्यवस्था म्हणून त्यांना ऑफिसमध्ये वायफाय व फोन रेंज साठी इंटरनेट सेवा अत्याधुनिक तंत्रज्ञान सुविधा देण्यात याव्यात.

रावेत महावितरण शाखा – तथ्यपत्र
ग्राहक व वीजभार
– एकूण ग्राहक (घरगुती व वाणिज्यिक): सुमारे ७० हजार

– महत्त्वाचा वीजभार:
– रावेत पाणीपुरवठा उपसा केंद्र – ९ मेगावॅट
– महाराष्ट्र औद्योगिक विकास महामंडळ (एमआयडीसी) – १.२ मेगावॅट
– एकूण महत्त्वाचा वीजभार: १०.२ मेगावॅट

शाखेअंतर्गत येणारे भाग

– रावेत
– किवळे
– मामुर्डी
– विकासनगर
– देहूरोड
– साईनाथनगर
– आदर्शनगर

विद्यमान उपकेंद्रे

१) २२/११ केव्ही ट्रॉपिका किवळे GIS उपकेंद्र

– इनकमिंग फिडर: २ (सुमारे १२ कि.मी.)
– आउटगोइंग फिडर: ५ (सुमारे १० कि.मी.)
– कॉमन फिडर: १

२) २२ केव्ही सेलेस्टियल स्विचिंग उपकेंद्र

– इनकमिंग फिडर: २ (सुमारे १२ कि.मी.)
– आउटगोइंग फिडर: ४ (सुमारे १० कि.मी.)

वितरण यंत्रणा

– वितरण रोहित्रे (ट्रान्सफॉर्मर): ४६०
– उच्चदाब (HT) वाहिन्या: सुमारे ८३ कि.मी.
– लघुदाब (LT) वाहिन्या: सुमारे ४३० कि.मी.

सध्याची प्रमुख अडचण

– रावेत शाखेला वीजपुरवठा चिंचवड येथील २२० केव्ही अतिउच्चदाब (EHV) उपकेंद्रातून केला जातो.
– हे उपकेंद्र रावेत शाखेपासून सुमारे १४ कि.मी. अंतरावर आहे.
– उच्चदाब वाहिन्यांमध्ये बिघाड झाल्यास अचूक ठिकाण शोधणे व दुरुस्ती करण्यास तुलनेने अधिक वेळ लागू शकतो.
– त्यामुळे काही प्रसंगी वीजपुरवठा पूर्ववत होण्यास विलंब होऊ शकतो.

प्रस्तावित विकासकामे

प्रस्तावित २२/११ केव्ही उपकेंद्रे

– गोदरेज – १० × २ एमव्हीए
– मीरावेत – १० × २ एमव्हीए
– लिटल अर्थ, मामुर्डी – ५ × २ एमव्हीए
– गिनी प्रॉपर्टीज, किवळे – ५ × २ एमव्हीए

अपेक्षित परिणाम

– संबंधित फिडरवरील भार कमी होईल.
– वीजपुरवठ्याची विश्वासार्हता वाढेल.
– वाढत्या ग्राहकसंख्येनुसार वितरण व्यवस्था अधिक सक्षम होईल.

प्रस्तावित २२० केव्ही गहुंजे (लोढा) अतिउच्चदाब उपकेंद्र

– महापारेषणमार्फत उभारणी प्रस्तावित.
– चिंचवड EHV उपकेंद्रावरील भार कमी होण्यास मदत.
– रावेत, किवळे, मामुर्डी परिसरातील वीजपुरवठा अधिक स्थिर होण्यास अपेक्षित मदत.
– विकासनगर व शिंदेवस्तीला वीजपुरवठा करणाऱ्या २२ केव्ही फिडरना प्रामुख्याने लाभ होण्याची अपेक्षा.

अतिवृष्टीच्या काळातील अडचणी
– पाणी पूर्णपणे ओसरेपर्यंत किंवा बाहेर काढेपर्यंत दुरुस्तीचे काम सुरक्षितपणे करता येत नाही.
– अतिवृष्टीदरम्यान ३ महत्त्वाचे फिडर काही काळ पाण्याखाली गेले होते.
– पंपिंग, वाहतूक अडथळे आणि सततचा पाऊस यांमुळे वीजपुरवठा पूर्ववत करण्यास अतिरिक्त वेळ लागू शकतो.
कासा ग्रँड सोसायटीत पाणी साचल्याने बाहेरील रस्त्यावर पाणी सोडले जात होते.
– त्यामुळे अक्षरधाम परिसरातील विद्युत खांब (पिलर) सुरक्षितपणे काढण्यासाठी व संबंधित काम पूर्ण करण्यास सुमारे १७–१८ तासांचा विलंब झाला.

“रावेत परिसरातील वाढती वीज मागणी लक्षात घेऊन महावितरणकडून वितरण व्यवस्था अधिक सक्षम करण्यासाठी नवीन उपकेंद्रे आणि पायाभूत सुविधांची उभारणी प्रस्तावित आहे. ही कामे पूर्ण झाल्यानंतर फिडरवरील भार कमी होऊन वीजपुरवठ्याची विश्वासार्हता वाढेल. अतिवृष्टीच्या काळात सुरक्षिततेला प्राधान्य देत पाणी ओसरेपर्यंत आवश्यक दुरुस्ती करावी लागते. अशा परिस्थितीतही वीजपुरवठा शक्य तितक्या लवकर पूर्ववत करण्यासाठी महावितरणचे कर्मचारी सातत्याने प्रयत्नशील असतात.” – सिंहाजीराव गायकवाड अधीक्षक अभियंता महावितरण

‘रावेत भागातील वीजेचा प्रश्न आता इतका गंभीर झाला आहे की तो केवळ महावितरणच्या अधिकाऱ्यांच्या नियंत्रणात राहिलेला नाही. वर्षानुवर्षांच्या नियोजनातील त्रुटी, अपुरी पायाभूत सुविधा आणि दुर्लक्ष यामुळे हा प्रश्न प्रचंड वाढला आहे. त्यामुळे हा प्रश्न लगेच सुटेल, अशी अपेक्षा ठेवणेही अवघड आहे. प्रत्यक्ष परिस्थिती पाहत आहोत. पण आजपर्यंत कोणतेही ठोस आणि दीर्घकालीन समाधान समोर आलेले नाही.’ – पंकज जगदाळे स्थानिक रहिवासी

‘माझी दोन वेळा हार्ट सर्जरी झालेली आहे. गेले 3-4 दिवस 14 मजले चढ उतार करावा लागत आहे. तसेच ऑनलाईन डिलिव्हरी लिफ्ट बंद असल्यामुळे वर येणे टाळत आहेत.’ संजित सुखटणकर वय 54

Pune District : डफावर थाप मारत ठिय्या आंदोलन; शिरूर नगर परिषदेसमोर ‘लहुजी शक्ती सेने’ची निदर्शने