Ratan Tata : टाटा समूहाचे जागतिक स्तरावर नावाजलेल्या समूहात परिवर्तन करणारे ज्येष्ठ उद्योगपती रतन टाटा यांचे बुधवारी निधन झाले. मुंबईतील ब्रीच कँडी रुग्णालयात वयाच्या ८६ व्या वर्षी त्यांनी अखेरचा श्वास घेतला. गुरुवारी सकाळी त्यांचे पार्थिव त्यांच्या घरातून दक्षिण मुंबईतील नॅशनल सेंटर फॉर परफॉर्मिंग आर्ट्स (NCPA) येथे नेण्यात आले. पांढऱ्या फुलांनी सजवलेल्या वाहनात त्यांचे पार्थिव एनसीपीएमध्ये नेण्यात आले, लोकांनी त्यांना अंतिम श्रद्धांजली वाहिली. त्यांच्या पार्थिवावर आज संध्याकाळी मुंबईतील वरळी परिसरात अंत्यसंस्कार करण्यात येणार आहेत.

#WATCH | Jimmy Naval Tata, brother of Industrialist Ratan Tata leaves after paying last tributes to Ratan Tata in Mumbai. pic.twitter.com/VLKl2pCgmV

— ANI (@ANI) October 10, 2024

वरळी येथील स्मशानभूमीत अंत्यसंस्कार करण्यात येणार –

मुंबईतील एनसीपीए मैदानावर रतन टाटा यांच्या पार्थिवावर अंत्यसंस्कार करण्याची प्रक्रिया सुरू झाली आहे. त्यांचे पार्थिव वरळीच्या स्मशानभूमीत नेण्यात येत आहे.

#WATCH | Puri, Odisha: Sand artist Sudarsan Pattnaik creates sand art to pay tribute to veteran industrialist Ratan Tata. pic.twitter.com/FLRjgO8MET

— ANI (@ANI) October 10, 2024

एनसीपीएपासून काही किलोमीटर अंतरावर असलेल्या टाटा यांच्या घरातून वाहन निघण्यापूर्वी मुंबई पोलिस बँडने त्यांच्या सन्मानार्थ एक धून वाजवली. उद्योगपती टाटा यांच्या निधनाचे वृत्त पसरताच विविध क्षेत्रातील लोक त्यांना श्रद्धांजली वाहण्यासाठी दक्षिण मुंबईतील त्यांच्या निवासस्थानी पोहोचू लागले. कुलाब्यातील टाटा यांच्या निवासस्थानी श्रद्धांजली वाहण्यासाठी अनेकजण पोहोचले.

त्यांच्या निधनाचे वृत्त समजताच मुख्यमंत्री एकनाथ शिंदे, उपमुख्यमंत्री देवेंद्र फडणवीस, महाराष्ट्राचे शिक्षणमंत्री दीपक केसरकर आणि उद्योगपती मुकेश अंबानी यांनी रुग्णालयात धाव घेतली. टाटा यांचे पार्थिव रूग्णालयातून कुलाबा येथील त्यांच्या निवासस्थानी पोलिसांच्या वाहनांच्या सहाय्याने रुग्णवाहिकेतून नेण्यात आले. मुख्यमंत्री शिंदे म्हणाले की, रतन टाटा यांच्यावर शासकीय इतमामात अंत्यसंस्कार करण्यात येणार आहेत.

#WATCH | Vientiane, Lao: On the demise of Ratan Tata, EAM Dr S Jaishankar says, “I first met him when I was a kind of middle level in the government. At that time, we started the CEO forum with the United States. He was a natural choice as a person who was to lead it. So those… pic.twitter.com/AzDM3VLFPU

— ANI (@ANI) October 10, 2024

मुख्यमंत्री कार्यालयाने (सीएमओ) सांगितले की, महाराष्ट्र सरकारने उद्योगपती रतन टाटा यांना श्रद्धांजली वाहण्यासाठी गुरुवारी राज्यात एक दिवसाचा दुखवटा जाहीर केला आहे. 10 ऑक्टोबर रोजी महाराष्ट्रातील सरकारी कार्यालयांवरील राष्ट्रध्वज शोकाचे प्रतीक म्हणून अर्ध्यावर फडकणार आहे, असे मुख्यमंत्री एकनाथ शिंदे यांनी दिलेल्या निवेदनात म्हटले आहे.

टाटा समूहाचे मानद अध्यक्ष आणि ज्येष्ठ उद्योगपती रतन टाटा यांच्या निधनाबद्दल महाराष्ट्र, तामिळनाडू, ओडिशा आणि दिल्लीच्या उपराज्यपालांसह अनेक राज्यांच्या राज्यपालांनी शोक व्यक्त केला. राष्ट्रवादी काँग्रेस पक्षाचे (शरदचंद्र पवार) अध्यक्ष शरद पवारही रतन टाटा यांना अंत्यदर्शनासाठी पोहोचले.

RBI गव्हर्नर शक्तीकांत दास यांनी मुंबईत उद्योगपती रतन टाटा यांना अखेरची श्रद्धांजली वाहिली. दरम्यान, दिवंगत उद्योगपती रतन टाटा यांना देशाचा सर्वोच्च नागरी पुरस्कार ‘भारतरत्न’ देऊन सन्मानित करण्याची विनंती करणारा ठराव महाराष्ट्र मंत्रिमंडळाने मंजूर केला आहे.

#WATCH | Actor Aamir Khan and Director-Screenwriter Kiran Rao pay last tributes to Ratan Tata in Mumbai. pic.twitter.com/KyQu7qdYu3

— ANI (@ANI) October 10, 2024

आमिर खान आणि किरण राव यांनी श्रद्धांजली वाहिली –

चित्रपट अभिनेता आमिर खान आणि चित्रपट दिग्दर्शक किरण राव यांनी एनसीपीए मैदानावर पोहोचून रतन टाटा यांना श्रद्धांजली वाहिली. हा देशासाठी दुःखाचा दिवस असल्याचे चित्रपट निर्माता आमिर खानने म्हटले आहे. रतन टाटा यांचे देशासाठीचे योगदान अमूल्य आहे. ते कायम आठवणीत राहतील. किरण राव म्हणाले की, रतन टाटा हे खूप चांगले व्यक्ती होते. ते आता आपल्यात नाहीत याचे खूप दुःख आहे. त्यांनी देशासाठी खूप काही केले आहे.

गृहमंत्री अमित शहा यांनी रतन टाटा यांना श्रद्धांजली वाहिली –

केंद्रीय गृहमंत्री अमित शहा यांनी मुंबईत रतन टाटा यांना अखेरची श्रद्धांजली वाहिली. महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीसही रतन टाटा यांना श्रद्धांजली वाहण्यासाठी पोहोचले.