Rashmika Mandanna : दक्षिणेतील लोकप्रिय अभिनेत्री रश्मिका मंदाना सध्या तिच्या वैयक्तिक आयुष्यामुळे चर्चेत आहे. काही दिवसांपूर्वी अशी चर्चा होती की रश्मिकाने अभिनेता विजय देवरकोंडासोबत साखरपुडा केला आहे. मात्र, दोघांनीही या बातमीवर कोणतीही अधिकृत प्रतिक्रिया दिली नाही. दरम्यान, एका मुलाखतीत रश्मिकाने तिच्या होणाऱ्या मुलांबाबत मनातील भावना व्यक्त केल्या आहेत.

रश्मिकाने सांगितले, “मी अजून आईही नाही, पण मला असं वाटतं की जेव्हा माझी मुलं होतील, तेव्हा मी त्यांना खूप प्रेम करणार आहे. अजून त्यांचा जन्मही झालेला नाही, तरी मी त्यांच्याबद्दल खूप फील करते. मी त्यांच्यासाठी सगळं काही करायला तयार आहे. त्यांना सुरक्षित ठेवणं माझं पहिलं काम असेल. त्यांच्या रक्षणासाठी मला युद्धात उतरावं लागलं, तरी मी पूर्ण तयारीनिशी उतरेन.”

तिने पुढे सांगितले, “आपल्याला समाज शिकवतो की वयाच्या २० आणि ३० या मध्ये काम करायचं, करिअर घडवायचं आणि पैसे कमवायचे. मला माहीत होतं की ३० ते ४० या काळात काम आणि वैयक्तिक आयुष्य यांच्यात समतोल साधावा लागतो. पण ४० नंतरचं आयुष्य अजून ठरवलं नाही.”

दरम्यान, काही दिवसांपूर्वी रश्मिकाच्या हातात एक डायमंड रिंग दिसल्यामुळे तिच्या आणि विजय देवरकोंडाच्या साखरपुड्याच्या चर्चा अधिक रंगल्या. अशीही चर्चा आहे की जर या अफवा खऱ्या असतील, तर दोघे पुढील वर्षी फेब्रुवारीत लग्नबंधनात अडकतील.

रश्मिकाची आगामी चित्रपटं,
रश्मिका मंदाना लवकरच ‘द गर्लफ्रेंड’ या चित्रपटात झळकणार आहे. या चित्रपटात तिच्यासोबत अभिनेता दीक्षित शेट्टी मुख्य भूमिकेत आहे.