Rashmi Shukla – फोन टॅपींग प्रकरणी वादग्रस्‍त ठरलेल्‍या पोलीस महासंचालक रश्मी शुक्ला यांना सेवानिवृत्तीसाठी आणखी चार महिने शिल्लक आहेत. मात्र, त्यांना आता आणखी दीड वर्ष मुदतवाढ (एक्स्टेन्शन) मिळण्याची शक्यता आहे.

रश्मी शुक्ला यांना दोन वर्षांचा कार्यकाळ मिळण्याची शक्यता असून याबाबत मुख्यमंत्री सकारात्मक असल्याचीही माहिती आहे. तसेच याबाबत लवकरच फाइलवर सही करणार असल्याची माहिती मिळत आहे. । Rashmi Shukla 

जानेवारी 2024 मध्ये आयपीएस अधिकारी रश्मी शुक्ला यांची महाराष्ट्राच्या पोलीस महासंचालक आणि महानिरिक्षकपदी नियुक्ती करण्यात आली आहे. यामुळे त्या महाराष्ट्राच्या पहिल्या महिला पोलीस महासंचालक ठरल्या आहेत.

असे असतानाच सेवानिवृत्तीची चार महिने शिल्लक असताच त्यांना मुदतवाढ मिळण्याची शक्यता आहे. आगामी लोकसभा आणि विधानसभा निवडणूकीच्‍या पाश्‍र्वभूमीवर ही मुदतवाढ दिली जाणार असल्‍याचे समजते.

दरम्यान त्यांना मिळणाऱ्या मुदवाढीवरुन विरोधकांनी सत्ताधाऱ्यांवर टीका केली आहे. यासंदर्भात विचारले असता रोहित पवार म्हणाले की, भाजप कधीही कायदा पाळत नाही. लोकसभेत फायदा व्हावा यासाठी हे रश्मी शुक्ला यांना मुदतवाढ दिले जात आहे.

लोकसभा-विधानसभा निवडणुकीत यांना फायदा होण्यासाठी हे केले जात असल्याची टीका त्‍यांनी केली आहे. दरम्‍यान, राज्यात 2019 च्या विधानसभा निवडणुकीच्या निकालानंतर महाविकास आघाडी सरकारमधील नेत्यांचे फोन टॅप करण्यात आल्याचा आरोप रश्मी शुक्ला यांच्यावर करण्यात आला होता.

रश्मी शुक्ला यांच्या सांगण्यावरून गुप्तवार्ता विभागाने नेत्यांचे फोन टॅप केले. महाविकास आघाडी सरकारमधील अनेक नेत्यांचा आरोप रश्मी शुक्लांवर करण्यात आलेला होता.

रश्मी शुक्ला या राज्य गुप्त वार्ता विभागाच्या तत्कालीन आयुक्त पदावर कार्यरत होत्या. या प्रकरणी रश्मी शुक्ला यांच्याविरुद्ध पुण्यातील बंड गार्डन पोलीस ठाण्यात गुन्हा दाखल करण्यात आला होता. । Rashmi Shukla