Rani Mukerji Mardani 3 |  अभिनेत्री राणी मुखर्जीचा ‘मर्दानी’ चित्रपट सुपरहिट ठरला होता. या चित्रपटाच्या सिक्वेलनंतर तिसऱ्या भागाची घोषणा करण्यात आली आहे. यशराज फिल्मसची निर्मिती असलेल्या ‘मर्दानी’ चित्रपटात अभिनेत्री राणी मुखर्जीची प्रमुख भूमिका होती. या चित्रपटात तिने आयपीएस अधिकारी शिवानी शिवाजी रॉय ही भूमिका साकारली होती. तिने साकारलेल्या डॅशिंग पोलीस अधिकाऱ्याच्या भूमिकेला प्रेक्षकांनी दाद दिली होती.

‘मर्दानी’ चित्रपट हा यशराज फिल्मसची स्त्री-प्रधान चित्रपटाची फ्रेंचायझी आहे. ‘मर्दानी’ चा पहिला भाग 2014 मध्ये प्रदर्शित झाला आणि 2019 मध्ये या चित्रपटाचा सिक्वल आला. या दोन्ही चित्रपटांनी बॉक्स ऑफिसवर चांगलाच प्रतिसाद मिळाला. या चित्रपटाच्या तिसऱ्या भागाची घोषणा करण्यात आली असली तरी चित्रपटाचे नाव अद्याप जाहीर करण्यात आलेले नाही. Rani Mukerji Mardani 3 |

 

View this post on Instagram

 

A post shared by Yash Raj Films (@yrf)

मर्दानीच्या पहिल्या भागात अल्पवयीन मुलींची तस्करी यात सहभागी असलेले राजकारणी यावर प्रकाश टाकण्यात आला होता. तर, दुसऱ्या भागात स्त्रियांच्या स्वातंत्र्यावर बंधने घालणारी वृत्ती, मुलींवर होत असलेल्या लैंगिक अत्याचाराभोवती चित्रपटाची कथा फिरताना दिसली. ‘मर्दानी 2’ चित्रपटाचे संपूर्ण चित्रीकरण राजस्थानमध्ये करण्यात आले होते. ‘यशराज फिल्म’च्या बॅनर खाली साकारण्यात येत असलेल्या चित्रपटाची निर्मिती आदित्य चोप्रा यांची आहे. आता राणी मुखर्जीच्या या आगामी चित्रपटाबाबत देखील चाहत्यांची उत्सुकता वाढली आहे. Rani Mukerji Mardani 3 |

राणी मुखर्जीच्या वर्कफ्रंटबद्दल सांगायचं तर, शेवटची ती मिसेज चटर्जी वर्सेस नॉर्वे सिनेमात झळकली होती. हा चित्रपट सत्य घटनेवर आधारीत होता. आता ती ‘मर्दानी 3’ मध्ये पाहायला मिळणार आहे.

हेही वाचा: 

‘माझ्या मुलाने काही प्रकार केलेला नाही’ बदलापूर प्रकरणातील आरोपी अक्षय शिंदेच्या आई-वडिलांचा ‘दावा’