Ramraje Naik Nimbalkar : श्रीमंत रामराजे नाईक निंबाळकर अजित पवार यांच्या राष्ट्रवादीत नाराज असून, ते आता अजित पवारांची साथ सोडणार असल्याची चर्चा राजकीय वर्तुळात होताना दिसत आहे.

लवकरच घड्याळाची साथ सोडून तुतारी हाती घेणार असल्याची माहिती आहे. रामराजे नाईक निंबाळकर यांनी फलटण जवळच्या खटके वस्ती इथं कार्यकर्त्यांचा मेळावा बोलावला.

आज रात्री कार्यकर्ते म्हणतील तो निर्णय घेणार असल्याचं रामराजे यांनी म्हटलं आहे. रामराजे यांच्यासोबत विद्यमान आमदार दीपक चव्हाण देखील अजित पवारांची साथ सोडण्याची दाट शक्यता आहे.

दरम्यान, रामराजे नाईक हे राष्ट्रवादी काँग्रेसचे ज्येष्ठ नेते आहेत. 2015 ते 2016 आणि 2016 ते 7 जुलै 2022 या कालावधीत ते विधान परिषदेचे 13 अध्यक्ष होते.

सध्या शरद पवार गटात मोठ्या प्रमाणात इनकमिंग सुरु असल्याचे दिसत आहे. भाजपाचे नेते हर्षवर्धन पाटील देखील शरद पवार गटात प्रवेश करणार असल्याचं त्यांनी स्वतः हा सांगितलं आहे.

हर्षवर्धन पाटील यांनी इंदापूरमध्ये कार्यकर्त्यांशी संवाद साधला यावेळी त्यांनी गेल्या अनेक दिवसांपासून सुरु असलेल्या पक्ष प्रवेशाच्या चर्चांवर आपली भूमिका स्पष्ट केली. आपल्याला राष्ट्रवादी काँग्रेस शरद पवार पक्षात जावंच लागेल असंही हर्षवर्धन पाटील म्हणाले होते.