Ram Mandir Donation Scam – अयोध्येतील राम मंदिरासाठीच्या दान-देणग्यांमधील कथित घोटाळ्याच्या तपासाला वेग आला आहे. अपहार करणाऱ्यांकडून आतापर्यंत सुमारे ८० लाख रूपये परत मिळवण्यात यश आल्याचे समजते.

कथित घोटाळ्याचा तपास अयोध्या पोलीस आणि विशेष पथकाकडून (एसआयटी) केला जात आहे. भक्तांनी राम मंदिरात अर्पण केलेल्या देणगीचा, मौल्यवान वस्तूंचा अपहार झाल्याचा आरोप आहे.

त्या प्रकरणावरून मोठे वादंग निर्माण झाले आहे. कथित घोटाळ्याची गंभीर दखल घेऊन उत्तरप्रदेश सरकारने अपहार करणाऱ्यांवर कठोर कारवाई करण्याचा निर्धार केला आहे.

आतापर्यंत संशयावरून ८ आरोपींना अटक करण्यात आली आहे. त्यांना शुक्रवारी स्थानिक न्यायालयात हजर करण्यात आले. न्यायालयाने सर्व आरोपींना २९ जूनपर्यंत न्यायालयीन कोठडी सुनावली. सं

बंधित प्रकरणी गुन्हा दाखल करण्याची मागणी विविध स्तरांतून केली जात होती. अखेर ते पाऊल उचलत पोलिसांनी गुरूवारी गुन्हा दाखल केला. एसआयटीने याआधीच आपला प्राथमिक अहवाल उत्तरप्रदेश सरकारकडे सादर केला.

त्यामध्ये काही महत्वाच्या शिफारसी करण्यात आल्या असल्याचे समजते. दान-देणग्यांमधील कथित घोटाळा संपूर्ण देशात चर्चेचा आणि टीकेचा विषय बनला आहे.