Rajya sabha election: संसदेचे वरिष्ठ सभागृह असणाऱ्या राज्यसभेच्या काही जागांसाठी पुढच्या महिन्यात निवडणूका पार पडणार आहेत. या निवडणुकीसाठी सर्वच पक्षाचे प्रयत्न सुरु झाले आहेत. मात्र, काँग्रेसने जोरदार तयारी सुरू केली असल्याचे समोर आले आहे. काँग्रेसला कर्नाटक, मध्य प्रदेश, राजस्थान आणि झारखंडमध्ये एकूण ६ जागा जिंकण्याची संधी आहे. (Rajya sabha election) राज्यसभेत सध्या काँग्रेसचे २९ सदस्य आहे. आगामी राज्यसभा निवडणुकीत बाजी मारल्यास काँग्रेसचे राज्यसभेत ३० हून अधिक खासदार होण्याची शक्यता वर्तवण्यात येत आहे. खासदारांची संख्या वाढल्यास राज्यसभेत काँग्रेसची ताकद आणखी वाढण्याची शक्यता आहे. काँग्रेसला कर्नाटकातून अधिक जागा मिळण्याची शक्यता आहे. कर्नाटकात काँग्रेस राज्यसभेच्या ३ जागा जिंकू शकते. तर मध्य प्रदेश, राजस्थान, झारखंडमध्ये प्रत्येकी एक-एक जागा जिंकण्याची शक्यता आहे. कर्नाटकात काँग्रेसचे आमदार सर्वाधिक आहे. (Rajya sabha election) कर्नाटकातील विधी मंडळातील २२४ सदस्यांपैकी काँग्रेसचे १३६ आमदार आहेत. या आकडेवारीनुसार, काँग्रेसचे कर्नाटकातून ३ राज्यसभा उमेदवार सहज विजयी होतील. कर्नाटकात राज्यसभा उमेदवाराला विजयासाठी ४६ आमदारांच्या मतांची आवश्यकता लागणार आहे. Rajya sabha election: राज्यसभेसाठी काँग्रेसची जोरदार फिल्डिंग ; देशभरातून ‘या’ उमेदवारांच्या नावांची चर्चा सूत्रांच्या माहितीनुसार, काँग्रेस अध्यक्ष आणि राज्यसभेत विरोधी पक्षनेते मल्लिकार्जून खरगे हे कर्नाटकात आगामी राज्यसभा निवडणुकीसाठी निश्चित उमेदवार मानले जात आहेत. त्यानंतर कर्नाटकातील उपमुख्यमंत्री डी.के. शिवकुमार यांचे भाऊ डी. के. सुरेश, युवा काँग्रेसचे माजी अध्यक्ष बी. वी. श्रीनिवास यांच्या नावाची चर्चा आहे. लिंगायत समाजाच्या महिला नेत्या, माजी आमदार अंजली निंबाळकर यांच्या नावाची देखील चर्चा आहे. (Rajya sabha election) मध्य प्रदेशात काँग्रेसचा विरोधी पक्षनेता आहे. मध्य प्रदेशातून काँग्रेसचा एक राज्यसभा उमेदवार जिंकू शकतो. मध्य प्रदेशातील २३० विधानसभा सदस्य असलेल्या सभागृहात काँग्रेसचे ६६ आमदार आहेत. या आकडेवारीनुसार, मध्य प्रदेशात राज्यसभा उमेदवारासाठी ५९ आमदारांच्या मतांची गरज लागेल. मध्य प्रदेशातून राज्यसभेत काँग्रेसकडून जाण्यासाठी अनेक जण इच्छुक आहे. यात माजी मुख्यमंत्री कमलनाथ, दिग्विजय सिंह, मिनाक्षी नटराजन, ओबीसी नेते अरुण यादव यांच्या नावाची चर्चा आहे. हरियाणा, राजस्थान आणि झारखंडमध्ये काँग्रेस पक्षाच्या नेत्यांनी जोरदार फिल्डिंग लावण्यास सुरुवात केली आहे. या तिन्ही राज्यात इच्छुकांनी जोरदार तयारी सुरू केली आहे.
