वेल्हा: राजगड तालुक्यातील वेल्हा भागात दिवसेंदिवस वाढत चाललेल्या बेकायदेशीर दारू विक्रीच्या विरोधात आता युवक काँग्रेसने आक्रमक पवित्रा घेतला आहे. वेल्हा (राजगड) तालुका युवक काँग्रेस कमिटीचे अध्यक्ष रामचंद्र रेणुसे यांनी वेल्हा पोलीस ठाण्याचे निरीक्षक यांच्याकडे यासंदर्भात निवेदन दिले.

निवेदनात त्यांनी म्हटले आहे की, वेल्हा तालुक्यातील काही ठिकाणी खुलेआम दारू विक्री होत असून त्यामुळे परिसराचे सामाजिक वातावरण बिघडत आहे. युवकांवर त्याचा गंभीर परिणाम होत आहे आणि महिलांनाही त्रास सहन करावा लागत आहे. यामुळे गुन्हेगारी प्रवृत्तींना उत्तेजन मिळत असून कायदा व सुव्यवस्थेचा प्रश्न निर्माण झाला आहे.

दारू विक्रीवर त्वरित कारवाई करा, अन्यथा आंदोलन – युवक काँग्रेसचा इशारा

या बेकायदेशीर दारू विक्रेत्यांविरोधात त्वरित कठोर कारवाई झाली नाही, तर युवक काँग्रेस महिला काँग्रेस विद्यार्थी काँग्रेस देवा दलकडून तीव्र आंदोलन करण्यात येईल, असा इशारा युवक काँग्रेसने प्रशासनास इशारा दिला आहे.

यावेळी युवक काँग्रेसच्या पुणे जिल्हा अध्यक्ष उमेश पवार, तालुका अध्यक्ष संजय वालगुडे, युवक अध्यक्ष रामभाऊ रेणुसे, प्रकाशबाळा रेनुसे, विद्यार्थी अध्यक्ष गणेश गिरंजे, सेवादल अध्यक्ष विष्णूबाला रेनुसे यांच्यासह कार्यकर्ते मंगेश भोरेकर, उत्तम पांगरे, सुनिल रेनुसे, लक्ष्मण रेनुसे, मारुती देवगीकर, एकनाथ कडू, भाऊ सखाराम दसवडकर, संदेश शिळीमकर आदी उपस्थित होते. पोलीस प्रशासन काय भूमिका घेते याकडे आता सर्वांचे लक्ष लागले आहे.