जयपूर – राजस्थान सरकारने सिंधी समाजासाठी मोठी घोषणा केली आहे. आता सिंधू दर्शन यात्रेसाठी 15 हजार रुपयांची आर्थिक मदत मिळणार आहे. सिंधी समाजातील सर्वात मोठे आणि पवित्र मानल्या जाणाऱ्या लेह-लडाख सिंधू दर्शन यात्रेला जाणाऱ्या यात्रेकरूंना प्रतिव्यक्ती 15,000 रुपयांची आर्थिक मदत राज्य सरकारने जाहीर केली आहे.

सिंधू दर्शन यात्रेत लेह-लडाखमध्ये चार दिवस धार्मिक आणि सांस्कृतिक कार्यक्रम होतात आणि ही यात्रा 18 जूनपासून सुरू होऊन 30 जूनला संपते. विधानसभा अध्यक्ष वासुदेव देवनानी यांनी नुकतीच मुख्यमंत्री भजनलाल शर्मा यांना विनंती केली होती की, सिंधू दर्शन यात्रेला जाणाऱ्या यात्रेकरूंना इतर तीर्थक्षेत्रांप्रमाणे आर्थिक मदत करावी त्यानुसार हा निर्णय घेण्यात आला आहे. मिळालेल्या माहितीनुसार, सिंधी समाजाचे यात्रेकरू दरवर्षी 23 ते 26 जून दरम्यान लेह-लडाखमध्ये सिंधू दर्शन यात्रेला जातात. ही यात्रा 18 जून रोजी जम्मू आणि कुरुक्षेत्र येथून सुरू होऊन 30 जून रोजी संपते. यावर निर्णय घेत राज्य सरकारने यात्रेकरूंना प्रति यात्रेकरू 15 हजार रुपयांची आर्थिक मदत जाहीर केली आहे.

1997 मध्ये माजी उपपंतप्रधान लालकृष्ण अडवाणी यांनी सिंधू दर्शन यात्रा सुरू केली होती. दरवर्षी 23 ते 26 जून या कालावधीत लेह-लडाखमध्ये ही यात्रा आयोजित केली जाते. यामध्ये सिंधी धर्मीय लोक मोठ्या संख्येने सहभागी होतात, असा उल्लेख सर्व ग्रंथात आढळतो. यासोबतच भारतीय राष्ट्रगीतामध्येही सिंधू नदीचा उल्लेख आहे.

लाडकी बहीण योजनेचा महाराष्ट्र पॅटर्न केजरीवालही राबवणार!

सिंधी समाजातही श्री झुलेलाल या देवतेचा अवतार पाण्याशी संबंधित आहे. अशा परिस्थितीत हा प्रवास सिंधी धर्माच्या अनुयायांसाठी अत्यंत पवित्र मानला जातो. दरवर्षी देशातील सुमारे 25 राज्यातील सिंधी अनुयायी या पवित्र यात्रेला जातात. हा प्रवास जम्मू आणि कुरुक्षेत्र येथून सुरू होतो आणि सुमारे 12 दिवस चालतो.