Raj Thackeray : मुंबई महानगरपालिकेत महापौरपदाच्या निवडणुकीच्या पार्श्वभूमीवर महाराष्ट्र नवनिर्माण सेना (Raj Thackeray) भाजपला पाठिंबा देणार असल्याची जोरदार चर्चा रंगली होती. काही दिवसांपूर्वी राज ठाकरे यांनी ‘लवचिक राजकारण’ करण्याचे संकेत दिले होते, ज्यामुळे ही अफवा अधिक तीव्र झाली. मात्र, राज ठाकरे (Raj Thackeray) यांनी या चर्चेला स्पष्ट नकार दिला आहे. आज सकाळी भाजप आणि शिवसेना (शिंदे गट)चे नगरसेवक गट नोंदणीसाठी कोकण भवनात जाण्यापूर्वी मुंबई महापालिकेत जमले होते. त्याचवेळी मनसे भाजपला पाठिंबा देणार असल्याची बातमी पसरली, ज्यामुळे राजकीय वर्तुळात खळबळ उडाली. Raj Thackeray मात्र, त्याचवेळी राज ठाकरे हे वांद्रे येथील एमआयजी क्लबमध्ये मनसेच्या पराभूत नगरसेवकांसोबत बैठकीत होते. बैठक संपल्यानंतर बाहेर पडताच राज ठाकरे यांनी पत्रकारांना स्पष्ट सांगितले, “आम्ही मुंबईत भाजपसोबत जाणार नाही. मी सांगतोय ना, नाही म्हणजे नाही.” एमआयजी क्लबमधील मनसेची महत्त्वाची बैठक आज सकाळी वांद्रे येथील एमआयजी क्लबमध्ये मनसेची नियोजित बैठक झाली. या बैठकीला मुंबईतील मनसेचे सर्व पराभुत उमेदवार, विभाग अध्यक्ष, उपाध्यक्ष आणि पक्षाचे प्रमुख नेते उपस्थित होते. मनसेचे नेते संदीप देशपांडे यांच्यासह इतर नेत्यांनीही भाग घेतला. पक्षांतर्गत मुद्द्यांवर सविस्तर चर्चा झाली, असे संदीप देशपांडे यांनी सांगितले. देशपांडे यांनी भाजपसोबत युतीच्या चर्चेला पूर्णपणे नाकारले. ते म्हणाले, “सगळ्या मुद्यांवर सविस्तर चर्चा झाली. पक्षांतर्गत मुद्दे होते, त्यामुळे ते ऑन कॅमेरा सांगणार नाही. राज ठाकरे साहेब कधीही तामिळ लोकांबद्दल बोलले नाहीत. त्यांनी केवळ अन्नामलाईंबद्दल बोलले होते. भाजपचे जे काही नेते आहेत त्यांना सांगा. अशा कोणत्याही प्रकारची चर्चा नाही. आमची कुणाही बरोबर चर्चा झालेली नाही. पक्षांतर्गत बदल होत असतात, तसे बदल होतीलच.” असे संदीप देशपांडे यांनी स्पष्ट केले आहे. हे पण वाचा : Share Market: बजेटच्या धक्क्यातून सावरला बाजार; सेन्सेक्स 944 अंकांनी वधारला, निफ्टी 25,100 च्या जवळ
