Tamil Selvan News : भाजप आमदार तमिळ सेल्वन यांनी मनसे अध्यक्ष राज ठाकरे यांच्या तमिळ भाषिकांवरील टीकेला थेट प्रत्युत्तर दिले आहे.

आमच्याविरोधात बोलाल तर मुंबईत लाखोंचा मोर्चा काढू असा इशारा सेल्वन यांनी राज ठाकरे यांना नाव न घेता दिला.

सायन-कोळीवाडा परिसरात काल भगवान मुरुगन यांच्या भक्तांचा जनसागर उसळला होता. ‘थैपूसम’ उत्सवानिमित्त आयोजित भव्य ‘पाळकुडम कावडी अट्टम’ रॅलीत हजारो भाविक सहभागी झाले होते.

भाजप आमदार तमिळ सेल्वन यांच्या नेतृत्वाखाली सायनमधील तमिळ समुदायाची एकजूट दाखवण्यासाठी सायन कोळीवाडा ते माटुंगा येथील ऐतिहासिक मुरुगन मंदिरापर्यंत ही भव्य रॅली काढण्यात आली होती.  Tamil Selvan News :

‘तमिळ बांधवांची याहून मोठी रॅली काढून आमची ताकद दाखवून देऊ’ 

राज ठाकरे यांनी तमिळ भाषिकांच्या मुद्द्यावरून केलेल्या विधानाचा समाचार घेत प्रसारमाध्यमांशी बोलताना आमदार तमिळ सेल्वन म्हणाले की, “काही दिवसांपूर्वी एका मोठ्या नेत्याने तमिळ बांधवांच्या विरोधात विधान केले होते.

आजची ही गर्दी आणि ही रॅली त्या वक्तव्याला उत्तर आहे. आम्हाला कोणीही विनाकारण वाईट बोलू नका, अन्यथा त्याचे परिणाम काय असतील हे आज दिसून आले आहे. ही तर फक्त सुरुवात आहे, येत्या एका महिन्यात मुंबईत १ लाख तमिळ बांधवांची याहून मोठी रॅली काढून आम्ही आमची ताकद दाखवून देऊ,” असा इशारा सेल्वन यांनी दिला. Tamil Selvan News :

दरम्यान, मुंबई महापालिका निवडणुकीच्या प्रचारादरम्यान, भाजपचे तामिळनाडूमधील नेते अण्णामलाई यांनी मुंबई हे महाराष्ट्राचे नसल्याचे म्हटले होते. त्यांच्या या वक्तव्यावर संताप व्यक्त करत मनसे अध्यक्ष राज ठाकरे यांनी मुंबईतील सभेत ताशेरे ओढले होते. मात्र यावरून आता तामिळ-मराठी वाद निर्माण होण्याची शंका व्यक्त केली जात आहे.  Tamil Selvan News :

हेही वाचा: 

Rohit Pawar : “अजित पवारांच्या तेराव्याचा धार्मिक विधी झाल्यानंतर सगळं सांगणार,” रोहित पवारांचा इशारा