Raid 2 : अजय देवगणचा ‘रेड’ हा चित्रपट सुपरडुपर हिट ठरला. आता हा अभिनेता त्याच्या सिक्वेलसह मोठ्या पडद्यावर येण्याची तयारी करत आहे. या चित्रपटाचा ट्रेलर प्रदर्शित झाल्यापासून त्याची खूप चर्चा सुरू आहे. दरम्यान, ‘रेड २’ चे आगाऊ बुकिंग देखील सुरू झाले आहे.

चित्रपटाने पहिल्या दिवशी आतापर्यंत किती तिकिटे विकली आहेत आणि रिलीजपूर्वी प्री-तिकीट विक्रीत किती कोटींची कमाई केली आहे. यावर एक नजर टाकुयात…

अजय देवगणचा बहुप्रतिक्षित थ्रिलर चित्रपट ‘रेड २’ १ मे रोजी प्रदर्शित होत आहे, त्याआधी चित्रपटाचे अॅडव्हान्स बुकिंग सुरू झाले आहे. या चित्रपटाची खूप क्रेझ आहे, त्यामुळे त्याचे प्री-तिकीट बुकिंग मोठ्या प्रमाणात होत आहे. ‘रेड २’ ला अॅडव्हान्स बुकिंगमध्ये मिळत असलेला प्रतिसाद पाहता, बॉक्स ऑफिसवर त्याची चांगली सुरुवात होऊ शकते असे दिसते.

 

View this post on Instagram

 

A post shared by Ajay Devgn (@ajaydevgn)

चित्रपटाने पहिल्या दिवशी ब्लॉक केलेल्या सीट्सशिवाय प्री-तिकीट विक्रीतून ९२.६२ लाख रुपये कमावले आहेत. देशभरात झालेल्या ३,९६८ शोसाठी २९,७१५ हून अधिक तिकिटे आधीच विकली गेली आहेत. ब्लॉक सीट्सचा समावेश केल्यास, ‘रेड २’ ची आगाऊ बुकिंगमधून एकूण कमाई २.०६ कोटी रुपये आहे.

‘रेड २’ पहिल्या दिवशी किती कमाई करू शकते?
‘रेड २’ च्या प्रदर्शनासाठी अजून तीन दिवस शिल्लक आहेत. या तीन दिवसांत चित्रपटाच्या आगाऊ बुकिंगमध्ये चांगली वाढ होण्याची आशा आहे. हे लक्षात घेता, व्यापार तज्ज्ञांचे म्हणणे आहे की हा चित्रपट रिलीजच्या पहिल्या दिवशी ५ ते १० कोटींच्या कलेक्शनसह ओपनिंग करू शकतो.

‘रेड २’ ची स्टारकास्ट आणि कथानक
राज कुमार गुप्ता दिग्दर्शित ‘रेड २’ हा २०१८ च्या हिट चित्रपट ‘रेड’ चा सिक्वेल आहे. पहिल्या भागाचे मनोरंजक कथानक आणि प्रामाणिक आयकर अधिकाऱ्याच्या भूमिकेत अजय देवगणच्या दमदार अभिनयासाठी कौतुक झाले.

पुढच्या भागातही छापे आणि भ्रष्टाचाराची कहाणी सुरूच आहे. यावेळी अजय देवगणचा सामना रितेश देशमुखशी होईल. वाणी कपूरने या चित्रपटात इलियाना डिक्रूजची जागा घेतली आहे.