Rahul Gandhi:  काँग्रेसचे माजी अध्यक्ष राहुल गांधी यांनी पुन्हा एकदा निवडणूक आयोगावर निशाणा साधला आहे. त्यांनी मतदार नोंदणीशी संबंधित फॉर्म ६ मधील बदलांवर प्रश्नचिन्ह उपस्थित केले आहे. आज राहुल गांधी यांनी निवडणूक आयोगाला, “फॉर्म ६ मध्ये बदल करण्याचे आदेश कोणत्या अधिकाऱ्याने दिले होते.”असा सवाल  केला आहे.

टाटा कन्सल्टन्सी सर्व्हिसेस (TCS) मधील कोणत्या अधिकाऱ्याने या बदलांना मंजुरी दिली, यावरही राहुल यांनी स्पष्टीकरण मागितले. त्यांनी लिहिले, “निवडणूक आयोगाच्याच आयुक्तांनी नोंदवल्याप्रमाणे, ऑनलाइन फॉर्म ६ मध्ये बेकायदेशीरपणे बदल करण्यात आले होते.”

त्यांनी प्रश्न विचारला, “आयोगामध्ये कोणी TCS ला हे बदल करण्याचे आदेश दिले? TCS मध्ये कोणी त्यावर सही करून मंजुरी दिली? आणि असे करण्यासाठी त्यांच्यावर दबाव आणला गेला होता का?”

The online Form 6 was changed illegally – as the EC’s own Commissioners have recorded.

Who at the ECI ordered Tata Consultancy Services to make that change?

Who at TCS signed off on it? And were they pressured into doing it?

— Rahul Gandhi (@RahulGandhi) October 1, 2026

हे संपूर्ण प्रकरण काय आहे? Rahul Gandhi: 

मात्र, हे संपूर्ण प्रकरण ऑनलाइन फॉर्म ६ मध्ये विशेष सखोल पुनरावलोकन (SIR) शी संबंधित अतिरिक्त घोषणेचा समावेश केल्यामुळे निर्माण झाले आहे. फॉर्म ६ चा वापर नवीन मतदारांचा मतदार यादीत समावेश करण्यासाठी केला जातो.

एका इंग्रजी वर्तमानपत्रामधील एका ताज्या वृत्तानुसार, निवडणूक आयुक्त सुखबीर सिंग संधू आणि विवेक जोशी यांनी या बदलाबाबत आयोगातच आक्षेप नोंदवले होते.

दुसरीकडे, निवडणूक आयोगाने म्हटले आहे की, फॉर्म ६ मध्ये कोणतेही बदल करण्यात आले नाहीत, उलट एसआयआर (SIR) दरम्यान एक अतिरिक्त घोषणा जोडण्यात आली होती.

आयोगाचे म्हणणे आहे की, ही घोषणा एसआयआर-संबंधित आदेशांनुसार एक अतिरिक्त आवश्यकता होती आणि मूळ वैधानिक फॉर्म ६ मध्ये कोणतीही दुरुस्ती करण्यात आली नव्हती.