Rahul Gandhi : देशातील २०२४ यावर्षीची लोकसभा निवडणूक अवैध असल्याचे एकप्रकारे निवडणूक आयोगालाही मान्य असल्याचे दिसते. देशातील १३ कोटींहून अधिक मतदारांची नावे वगळून ती निवडणूक वैध असल्याचा युक्तिवाद करता येऊ शकत नाही, असे परखड भाष्य कॉंग्रेसचे नेते राहुल गांधी (Rahul Gandhi) यांनी शनिवारी केले.

लोकसभा निवडणूक (वर्ष २०२४) जिंकणारे आणि विरोधक यांच्या मतांमधील फरक केवळ ३ टक्के होता. त्यानंतर १३ कोटींहून अधिक म्हणजेच सुमारे १५ टक्के मतदारांची नावे वगळण्यात आली.

त्यांनी मत द्यायला नको होती असा अर्थ त्यातून निघतो, अशी भूमिका राहुल (Rahul Gandhi) यांनी सार्वजनिक महाभियोग प्रक्रियेवेळी बोलताना मांडली. त्यांनी इंडिया आघाडीच्या प्रतीकात्मक प्रक्रियेचे जोरदार समर्थन केले.

संबंधित प्रक्रिया विरोधकांना उद्यानात घ्यावी लागली. आमच्यासाठी सर्व संस्था बंद असल्याने इतर कुठला पर्याय नव्हता. मुख्य निवडणूक आयुक्त ज्ञानेश कुमार पदावर टिकू शकणार नाहीत. आमच्याकडे त्यांच्या विरोधात पुरेसे पुरावे आहेत. तसे असूनही भाजप त्यांना पदावर कायम ठेवण्यास आग्रही राहिल्यावर सर्व खेळ स्पष्ट होईल, असा इशारा राहुल (Rahul Gandhi) यांनी दिला.