Narendra Modi : देश नक्षलवादमुक्त होईपर्यंत स्वस्थ बसणार नसल्याचा निर्धार मी याआधी व्यक्त केला. आता त्या आश्‍वासनाची पूर्तता झाली. मात्र, दिमागी नक्षलींचा धोका अद्याप कायम आहे, अशी भूमिका पंतप्रधान नरेंद्र मोदी (Narendra Modi) यांनी शनिवारी मांडली.

गुजरातच्या एकता नगरमध्ये राष्ट्रीय एकता दिवसानिमित्त आयोजित कार्यक्रमात बोलताना मोदींनी विरोधकांवर घणाघाती टीकास्त्र सोडले. विरोधी पक्ष आता अवरोध (अडथळा) पक्ष बनले आहेत. विरोधक देशातील जनतेमध्ये विभाजन घडवू इच्छित आहेत. मात्र, देशाने एकजूट राहण्याची गरज आहे.

सोशल मीडियाचा वापर हत्यारासारखा केला जात आहे. अफवा पसरवल्या जात आहेत. देशाची प्रतिमा मलिन करण्याचे प्रयत्न होत आहेत, असे ते (Narendra Modi) म्हणाले.

कॉंग्रेसचे नेते राहुल गांधी यांच्या परदेश दौऱ्यांचा अप्रत्यक्ष संदर्भ देऊन मोदींनी काही प्रश्‍न विचारले. परदेशांत कोण कुणाला गुप्तपणे भेटते? भारताला विरोध असणाऱ्या शक्ती कुणाला पाठिंबा देतात? देशाच्या शत्रुंची भाषा कोण बोलते, अशी विचारणा त्यांनी केली. सरदार वल्लभभाई पटेल यांनी दाखवलेल्या मार्गावरून देश वाटचाल करत आहे. एक भारत, श्रेष्ठ भारत आणि विकसित भारत ही आमची प्रमुख दोन उद्दिष्टे आहेत, असेही त्यांनी (Narendra Modi) नमूद केले.