अश्विनची ‘ती’ पोस्ट चर्चेत –

आर. अश्विनने नुकतीच एक पोस्ट सोशल मीडियावर शेअर केली. या पोस्टमध्ये एका बाजूला सनी लिओनीचा आकर्षक फोटो आहे, तर दुसऱ्या बाजूला चेन्नईतील संधू स्ट्रीटची झलक पाहायला मिळते. अश्विनने या फोटोला कोणतीही कॅप्शन दिलेली नाही, फक्त एक इमोजी वापरली आहे. यामुळे चाहत्यांमध्ये संभ्रम निर्माण झाला आणि यावरून सोशल मीडियावर अनेक मीम्सही व्हायरल झाले.

सनीची झलक आणि व्हायरल पोस्टमागची खास स्टोरी –

👀 👀 pic.twitter.com/BgevYfPyPJ

— Ashwin 🇮🇳 (@ashwinravi99) December 9, 2025

खरंतर, अश्विनच्या या पोस्टमध्ये एक खास सिनेमॅटिक हिंट दडलेली आहे. त्याची ही पोस्ट सनी लिओनी, संधू स्ट्रीट आणि आयपीएलच्या आगामी मिनी लिलावातील तमिळनाडूच्या एका अष्टपैलू खेळाडूच्या नावाशी संबंधित आहे. तो खेळाडू म्हणजे सनी संधू . हा तमिळनाडूचा अनकॅप्ड ऑलराउंडर खेळाडू आहे.

हेही वाचा – Shahid Afridi : गंभीर-आफ्रिदी वाद पुन्हा उफाळला! रोहित-विराटला सपोर्ट करत आफ्रिदीचे गंभीरवर मोठे टीकास्त्र

सनी संधूने सय्यद मुश्ताक अली ट्रॉफी स्पर्धेतील टी-२० पदार्पणात सौराष्ट्रविरुद्ध खेळताना विजयी खेळी साकारली होती. त्यानंतर दुसऱ्या सामन्यात संधूने केवळ ९ चेंडूत ३० धावा चोपल्या होत्या. साई सुदर्शनच्या साथीने महत्त्वपूर्ण भागीदारी रचून त्याने तमिळनाडूला विजय मिळवून देण्यात मोलाचा वाटा उचलला होता. आगामी मिनी लिलावात या खेळाडूवर सर्वांच्या नजरा असतील, हे सांगण्याचा प्रयत्न अश्विनने या हटके फोटो-संयोजनातून केला आहे.

हेही वाचा – Hardik Pandya : हार्दिक पंड्या पापाराझींवर संतापला! गर्लफ्रेंडचे आक्षेपार्ह फोटो काढल्याने व्यक्त केली नाराजी, पाहा VIDEO

सनी संधूवर लागू शकते मोठी बोली –

 

View this post on Instagram

 

A post shared by Sunny Sandhu (@sunny_sandhu_15)

अबू धाबी येथे १६ डिसेंबर रोजी होणाऱ्या आयपीएल मिनी लिलावात सनी संधू हा अनकॅप्ड ऑलराउंडरच्या गटात आहे. ३० लाख रुपये मूळ किंमत असलेल्या सनीने सय्यद मुश्ताक अली स्पर्धेत केलेली धमाकेदार कामगिरी पाहता, मिनी लिलावात त्याच्यावर मोठी बोली लागण्याची शक्यता आहे.