Pune Water Cut: पुणे महापालिका प्रशासनाने शहरातील पाणीपुरवठ्यावर निर्बंध घालण्याचा निर्णय घेतला आहे. राज्यात दुष्काळ जाहीर झाल्यानंतर सरकारने पाणी पुरवठ्याचे नियोजन करण्यासाठी अध्यादेश जारी केला आहे. त्यानुसार आठवड्याच्या प्रत्येक गुरुवारी पुणे शहराचा पाणीपुरवठा बंद ठेवला जाण्याचा निर्णय घेण्यात आला आहे.  (Pune Water Cut)

सोमवारी झालेल्या अधिकाऱ्यांच्या बैठकीत जलसंपदा विभागाने शहराच्या पाणी पुरवठ्यात 40 टक्के कपात करण्याच्या सूचना दिल्या होत्या. मात्र, एवढ्या मोठ्या प्रमाणात कपात केल्यास पाणी टंचाई निर्माण होऊ शकते. त्यामुळे महापालिकेने आठवड्यातून एक दिवस पाणी पुरवठा बंद ठेवण्याचे ठरवले आहे. याशिवाय या बैठकीत प्रामुख्याने खडकवासला धरणसाखळीतील पाण्याचा उपलब्ध साठा, पाण्याची गरज, पाणी बचत, गळती आदीसंदर्भात चर्चा झाली.  (Pune Water Cut)

दरम्यान, पुणे शहराला पाणीपुरवठा करणाऱ्या धरणांच्या पाणलोट क्षेत्रात सरासरीपेक्षा खूपच कमी पाऊस झाल्याने जलसाठ्याची पातळी खालावली आहे. उन्हाळ्याची तीव्रता वाढण्यापूर्वी उपलब्ध जलसाठा जपून ठेवणे आणि त्याचे समान वितरण करणे हा यामागचा मुख्य उद्देश आहे. या बंदच्या दिवशी जलवाहिन्यांची दुरुस्ती, गळती शोधणे आणि जलशुद्धीकरण केंद्रांची देखभाल केली जाणार आहे.  (Pune Water Cut)

महापालिकेच्या अतिरिक्त आयुक्त कौर यांनी येत्या गुरुवापासून एक दिवस पाणी बंद राहणार असल्याचे सोमवारी जाहीर केले. धरणांमधील उपलब्ध पाणीसाठा, शहराची वाढती लोकसंख्या, वाढती पाण्याची मागणी आणि आगामी काळातील पाण्याची गरज लक्षात घेऊन पाण्याचा काटकसरीने वापर करण्याचे आवाहन करण्यात येत आहे.

• पाण्याचा अपव्यय टाळण्यासाठी पुणे महानगरपालिकेने विविध निर्बंध लागू केले आहेत. खासगी व सार्वजनिक वॉशिंग सेंटर बंद ठेवण्याचे आदेश देण्यात आले असून, स्विमिंग पूलमध्ये पिण्याचे पाणी वापरण्यास बंदी घालण्यात आली आहे.
• हॉटेल्स, रेस्टॉरंट्स आणि वसतिगृहांच्या व्यवस्थापनाने पाण्याची बचत करण्यासाठी पूर्ण सहकार्य करावे.
• पाण्याच्या टाक्या ओव्हरफ्लो होणार नाहीत याची काळजी घ्यावी आणि गरज असल्यास ऑटोमॅटिक फ्लोट व्हॉल्व्हचा वापर करावा.
• सार्वजनिक ठिकाणी जलवाहिनी फुटल्यास किंवा पाणी गळती आढळल्यास तत्काळ पुणे महानगरपालिकेला माहिती द्यावी.
• बांधकामासाठीही पिण्याच्या पाण्याऐवजी एसटीपी, विहीर किंवा बोअरवेलचे पाणी वापरण्याचे आवाहन करण्यात आले आहे.
• वाहने, अंगण आणि पदपथ धुण्यासाठी पिण्याचे पाणी वापरू नये.अ
• अनधिकृत नळजोड आढळल्यास ते खंडित करून संबंधितांवर गुन्हे दाखल केले जातील. तसेच, गळती तातडीने दुरुस्त करून सोसायट्यांनी एसटीपीच्या पाण्याचा पुनर्वापर करावा, असे आवाहन करण्यात आले आहे.

शहराचा पाणीपुरवठा सुरळीत ठेवण्याचे आव्हान  (Pune Water Cut)

राज्य सरकारने धरणांतील उपलब्ध पाणीसाठा आणि वाढती मागणी लक्षात घेऊन पाणी वापरावर नियंत्रण ठेवण्याचे धोरण स्वीकारले आहे. त्यानुसार पाटबंधारे विभागाने महापालिकेला ४० टक्के पाणी कपात करण्याची सूचना दिली आहे. त्यानुसार आता उपलब्ध पाण्याचे नियोजन करून शहराचा पाणीपुरवठा सुरळीत ठेवण्याचे आव्हान प्रशासनासमोर आहे.

हेही वाचा: 

Maharashtra Politics : एका नेत्याने बंडखोरी केली, दुसऱ्याने राजीनामा दिला; मुख्यमंत्री देवेंद्र फडणवीसांच्या भेटीनंतर मोठी बातमी समोर