Shirur News : कवठे येमाई (ता. शिरूर) येथे अमली पदार्थांची वाहतूक आणि विक्रीविरोधात पुणे ग्रामीण स्थानिक गुन्हे शाखा व शिरूर पोलिसांनी संयुक्त कारवाई केली. या कारवाईत तब्बल ६० किलो गांजा जप्त करण्यात आला असून, स्कॉर्पिओ वाहनासह पोपट विठ्ठल शितोळे (वय ५२) याला अटक करण्यात आली आहे. (Shirur News)

स्थानिक गुन्हे शाखेचे पोलीस हवालदार तुषार पंधारे यांना मिळालेल्या गोपनीय माहितीनंतर पोलिसांनी माहितीची पडताळणी केली. त्यानंतर कवठे येमाई परिसरात सापळा रचून संशयिताच्या हालचालींवर लक्ष ठेवण्यात आले. (Shirur News)

पोलिसांनी शितोळे यांच्या घराजवळ स्कॉर्पिओ वाहनाची तपासणी केली असता त्यामध्ये मोठ्या प्रमाणात गांजा आढळून आला. त्यानंतर पोलिसांनी ६० किलो गांजा आणि वाहतुकीसाठी वापरलेली स्कॉर्पिओ ताब्यात घेतली. जप्त करण्यात आलेल्या अमली पदार्थाची किंमत आणि इतर तपशील तपासानंतर स्पष्ट होणार आहेत. (Shirur News)

गांजा कुठून आला? पोलिसांकडून तपास सुरू

या प्रकरणातील गांजा कुठून आणण्यात आला होता, तो कोणाला देण्यात येणार होता आणि या व्यवहारात आणखी कोणाचा सहभाग आहे का, याचा तपास पोलिसांकडून सुरू आहे. या प्रकरणामागे मोठे अमली पदार्थांचे जाळे आहे का, याचाही तपास केला जात आहे. (Shirur News)

या कारवाईमुळे शिरूर तालुक्यातील अमली पदार्थांच्या तस्करीविरोधात पोलिसांनी केलेल्या कारवाईकडे लक्ष वेधले गेले आहे. पुढील तपासात आणखी आरोपी किंवा तस्करीचे धागेदोरे समोर येतात का, याकडे नागरिकांचे लक्ष लागले आहे. (Shirur News)

वरिष्ठ अधिकाऱ्यांच्या मार्गदर्शनाखाली कारवाई

ही कारवाई पोलीस अधीक्षक संदिपसिंह गिल, अपर पोलीस अधीक्षक शुभमकुमार, उपविभागीय पोलीस अधिकारी रविंद्र भोसले, स्थानिक गुन्हे शाखेचे पोलीस निरीक्षक प्रमोद क्षीरसागर आणि शिरूर पोलीस ठाण्याचे पोलीस निरीक्षक विनोद पाटील यांच्या मार्गदर्शनाखाली करण्यात आली. (Shirur News)

शिरूर पोलीस ठाण्याच्या डीबी पथकाचे प्रमुख सहाय्यक पोलीस निरीक्षक प्रशांत दिवटे, पोलीस उपनिरीक्षक गोविंद खटिंग, पोलीस उपनिरीक्षक महेश डोंगरे यांच्यासह संजय पड्याळ, तुषार पंधारे, जनार्दन शेळके, संजू जाधव, राजू मोमीन, विकास पाटील, ओंकार शिरोळे, सतीश मुंढे, सागर धुमाळ, संदीप खेडकर, एस. बी. गावडे, एस. डी. माळी आणि जे. एस. मचिंदर यांनी कारवाईत सहभाग घेतला. फॉरेन्सिक टीमचे प्रेम भालेराव आणि मुस्तकीम सय्यद यांनीही कारवाईत मदत केली. (Shirur News)

Shirur News : शिरूरमध्ये उसळलं भगवं वादळ! भर उन्हात रस्त्यावर झोपून सरकारचा निषेध; पुणे-अहिल्यानगर महामार्ग ठप्प