Pune News : गणेशोत्सवाच्या पार्श्वभूमीवर पुणे जिल्ह्यातील सार्वजनिक गणेशोत्सव मंडळांना ध्वनिप्रदूषण आणि प्रखर प्रकाशझोताबाबत पुणे ग्रामीण पोलिसांनी स्पष्ट सूचना दिल्या आहेत. (Pune News)

गणेशोत्सवात ध्वनीक्षेपक व्यवस्थेतील ‘प्लाझ्मा साऊंड’ तसेच प्रखर लेझर झोतांचा वापर करण्यास बंदी घालण्यात आली असून, डेसिबल मर्यादेचे उल्लंघन केल्यास मंडळांच्या पदाधिकाऱ्यांविरुद्ध कायदेशीर कारवाई करण्यात येईल, असा इशारा पोलीस अधीक्षक संदीपसिंग गिल यांनी दिला. (Pune News)

गणेशोत्सवाच्या नियोजनासाठी पुणे ग्रामीण पोलिसांच्या वतीने जिल्ह्यातील प्रमुख १५० सार्वजनिक गणेशोत्सव मंडळांच्या पदाधिकाऱ्यांची बैठक पाषाण रस्त्यावरील पोलीस मुख्यालयात आयोजित करण्यात आली होती. (Pune News)

जिल्ह्यात सुमारे पाच हजार ३०० सार्वजनिक गणेशोत्सव मंडळे असून, उत्सवाच्या काळात कायदा व सुव्यवस्था राखण्यासाठी पोलिसांकडून विविध उपाययोजना करण्यात येत आहेत. (Pune News)

बैठकीस अतिरिक्त पोलीस अधीक्षक शुभम कुमार, गणेश बिरादार यांच्यासह वरिष्ठ पोलीस अधिकारी तसेच जिल्हाधिकारी कार्यालय, महावितरण आणि सार्वजनिक बांधकाम विभागाचे अधिकारी उपस्थित होते. (Pune News)

बैठकीनंतर पोलीस अधीक्षक गिल यांनी पत्रकारांशी संवाद साधला. ते म्हणाले, गणेशोत्सव मंडळांच्या पदाधिकाऱ्यांना उत्सवाच्या काळात पाळावयाच्या नियमांबाबत सूचना देण्यात आल्या आहेत. ध्वनीक्षेपकांचा वापर करताना निर्धारित डेसिबल मर्यादेचे पालन करणे बंधनकारक आहे. (Pune News)

‘प्लाझ्मा साऊंड’ आणि प्रखर लेझर झोतांचा वापर करू नये. डेसिबल मर्यादा ओलांडल्याचे आढळल्यास संबंधित मंडळाच्या पदाधिकाऱ्यांवर कायदेशीर कारवाई केली जाईल. (Pune News)

ग्रामीण भागातील गणेशोत्सव मंडळांच्या पदाधिकाऱ्यांनी बैठकीत उत्सवाच्या काळातील विविध समस्या मांडल्या. संबंधित विभागांच्या अधिकाऱ्यांशी समन्वय साधून या अडचणी सोडविण्याचे आश्वासन पोलिसांनी दिले. गणेशोत्सव आनंद आणि उत्साहात साजरा करावा; मात्र नियमांचे उल्लंघन करून कायदा व सुव्यवस्थेला बाधा निर्माण करू नये, असे आवाहन गिल यांनी केले. (Pune News)

कडक बंदोबस्त

गणेशोत्सवाच्या कालावधीत पुणे जिल्ह्यात ग्रामीण पोलिसांकडून कडक बंदोबस्त तैनात करण्यात येणार आहे. कायदा व सुव्यवस्थेला बाधा पोहोचविणाऱ्या व्यक्ती अथवा मंडळांविरुद्ध कठोर कारवाई केली जाईल, असा इशाराही पोलिस अधीक्षकांनी दिला. (Pune News)

Pune News : पुण्याच्या बहिणींच्या राखीने सीमेवर रंगला आनंदोत्सव; सैनिकांसोबत साजरे झाले रक्षाबंधन