Pune Railway – होळीला उत्तर व मध्य प्रदेशात जाणाऱ्या प्रवाशांची संख्या अधिक असल्याने आणि आगामी उन्हाळा लक्षात घेऊन मध्य रेल्वेने खडकी-इंदूर, हडपसर-प्रयागराज आणि दौंड-कलबुर्गी गाड्यांच्या फेऱ्या वाढविल्या आहेत. इंदूर-खडकी-इंदूर साप्ताहिक विशेष आणि हडपसर – प्रयागराज साप्ताहिक विशेष गाड्या होळीसाठी सोडण्यात येत असून, दौंड-कलबुर्गी-दौंड अनारक्षित विशेष गाड्यांचा कालावधी वाढविला आहे. ट्रेन क्रमांक ०९३२४ इंदूर – खडकी ४ ते २५ मार्च दरम्यान आठवड्याच्या प्रत्येक बुधवारी सकाळी सव्वाअकरा वाजता इंदूर येथून सुटेल आणि दुसऱ्या दिवशी पहाटे २ वाजून ५० मिनिटांनी वाजता खडकीत पोहोचेल. ट्रेन क्रमांक ०९३२३ खडकी – इंदूर स्पेशल ट्रेन ५ ते २६ मार्च दरम्यान प्रत्येक गुरुवारी खडकीहून पहाटे ४ वाजून ४० मिनिटांनी सुटेल आणि त्याच दिवशी रात्री ११ वाजून ५५ मिनिटांनी इंदूरला पोहोचेल. या गाडील लोणावळा, कल्याण, भिवंडी, वसई रोड, वलसाड, सुरत, वडोदरा, नागदा जंक्शन, उज्जेन जंक्शन देवास आदी थांबे आहेत. ट्रेन क्रमांक ०४१०७ प्रयागराज-हडपसर ट्रेन २५ मार्चपर्यंत दर बुधवारी सकाळी १० वाजून २० मिनिटांनी प्रयागराज येथून सुटेल आणि दुसऱ्या दिवशी संध्याकाळी साडेसात वाजता हडपसरला पोहचेल. ट्रेन क्रमांक ०४१०८ हडपसर-प्रयागराज स्पेशल गाडी २६ मार्चपर्यंत दर गुरुवारी रात्री १० वाजून ४० मिनिटांनी हडपसरहून सुटेल आणि शनिवारी (तिसऱ्या दिवशी) सकाळी साडेसहा वाजता प्रयागराजला पोहोचेल. या गाडीला दौंड, अहिल्यानगर, बेलापूर, कोपरगाव, अंकाई, मनमाड जंक्शन, भुसावळ जंक्शन, खांडवा, इटारसी जंक्शन, राणी कमलापती, कमगड, दरियागंज, खजुराहो, महोबा, शंकरपूर, दांडकर आणि चित्रपूर आदी थांबे आहेत. उन्हाळी हंगामासाठी ट्रेन क्रमांक ०१४२१, ०१४२२, ०१४२५ आणि ०१४२६ दौंड-कलबुर्गी-दौंड अनारक्षित विशेष गाडीचा कालावधी १५ जुलै २०२६ पर्यंत वाढविला आहे.
