पुणे : सिंहगड रोड परिसरात गोळीबार करून दहशत निर्माण करणाऱ्या ५ ‘विधिसंघर्षित’ (अल्पवयीन) बालकांना पुणे पोलिसांनी अवघ्या २४ तासांच्या आत ताब्यात घेतले आहे. त्यांच्याकडून *एक पिस्तुल आणि दोन लोखंडी कोयते जप्त करण्यात आले असून, या कारवाईमुळे गुन्हेगारी जगतात खळबळ उडाली आहे. नेमकी घटना काय? ७ एप्रिल २०२६ रोजी रात्री ११:४५ च्या सुमारास वडगाव बुद्रुक येथील चरवडवस्ती परिसरात ही घटना घडली होती. जुन्या भांडणाचा राग मनात धरून ५ ते ६ आरोपींनी एका व्यक्तीवर लोखंडी हत्याराने वार केले आणि पिस्तुलमधून गोळीबार केला होता. या धक्कादायक प्रकारानंतर परिसरात भीतीचे वातावरण पसरले होते. याप्रकरणी सिंहगड रोड पोलीस ठाण्यात गुन्हा दाखल करण्यात आला होता. Pune Crime News पोलीस कारवाई आणि थरार गुन्ह्याचे गांभीर्य ओळखून परिमंडळ ३ चे पोलीस उपायुक्त संभाजी कदम आणि सहाय्यक पोलीस आयुक्त अजय परमार यांच्या मार्गदर्शनाखाली तपास पथके रवाना करण्यात आली होती. ८ एप्रिल रोजी तपास पथकातील पोलीस अंमलदार विनायक मोहिते आणि तानाजी सागर यांना त्यांच्या खास बातमीदाराकडून माहिती मिळाली की, सदर गुन्ह्यातील आरोपी शरद हॉस्पिटलकडून प्रयोग सिटीकडे जाणाऱ्या रोडवर कोणाची तरी वाट पाहत थांबले आहेत. Pune Crime News Pune Crime News : पुणे पोलिसांची मोठी कारवाई! सिंहगड रोड परिसरात गोळीबार करणाऱ्या ५ अल्पवयीन मुलांच्या आवळल्या मुसक्या मिळालेल्या माहितीची खातरजमा करून वरिष्ठ पोलीस निरीक्षक यांच्या आदेशाने सहाय्यक पोलीस निरीक्षक समीर करपे, उपनिरीक्षक संतोष भांडवलकर आणि पथकाने सापळा रचला. पोलिसांना पाहताच आरोपींनी पळून जाण्याचा प्रयत्न केला, मात्र पोलिसांनी पाठलाग करून ५ जणांना ताब्यात घेतले. झडती घेतली असता त्यांच्याकडे एक पिस्तुल आणि दोन धारदार कोयते मिळून आले. बालसुधारगृहात रवानगी तपासादरम्यान हे पाचही जण अल्पवयीन असल्याचे निष्पन्न झाले. कायदेशीर प्रक्रिया पूर्ण केल्यानंतर त्यांची रवानगी पंडित जवाहरलाल नेहरू बालसुधारगृह, येरवडा येथे करण्यात आली आहे. ही यशस्वी कामगिरी पोलीस आयुक्त अमितेश कुमार, सह पोलीस आयुक्त रंजनकुमार शर्मा, अपर पोलीस आयुक्त राजेश बनसोडे यांच्या मार्गदर्शनाखाली वरिष्ठ पोलीस निरीक्षक विनय पाटणकर, समीर गायकवाड, समीर करपे, संतोष भांडवलकर आणि त्यांच्या टीमने केली आहे. या धडक कारवाईमुळे सिंहगड रोड परिसरातील नागरिकांनी सुटकेचा निश्वास टाकला आहे. Pune Crime News हेही वाचा : Sanjay Raut : ठाकरेंचे खासदार फुटणार? गुप्त बैठकीच्या चर्चा; संजय राऊतांचा फडणवीसांचे नाव घेत जोरदार पलटवार म्हणाले..
