Pune Ganeshotsav : गणेशोत्सवाच्या पार्श्वभूमीवर विसर्जन मिरवणूक शिस्तबद्ध आणि वेळेत पार पाडण्यासाठी पुणे पोलिसांकडून दरवर्षी महिनाभर आधीपासून नियोजन केले जाते. मागील वर्षीच्या चुका टाळून यंदाची मिरवणूक अधिक नियोजनबद्ध पद्धतीने पार पाडली जाईल, असे पोलिस प्रशासनाकडून सांगण्यात आले होते. (Pune Ganeshotsav)

मंडळांच्या पदाधिकाऱ्यांसह पोलिस अधिकारी आणि कर्मचाऱ्यांना याबाबतच्या सूचना देण्यात आल्या होत्या. मात्र, शुक्रवारी झालेल्या विसर्जन मिरवणुकीत प्रत्यक्ष परिस्थिती वेगळीच दिसून आली. रात्री बारानंतर प्रमुख मिरवणूक मार्गांवर मंडळांमध्ये तब्बल किलोमीटरचे अंतर पडल्याने पोलिसांचे नियोजन कागदावरच राहिल्याचे चित्र पाहायला मिळाले. (Pune Ganeshotsav)

विसर्जन मिरवणूक सुरळीत पार पाडण्यासाठी पोलिस ठाणे स्तरावर बैठका घेण्यात आल्या. त्यानंतर परिमंडळ स्तरावर तसेच सार्वजनिक गणेशोत्सव मंडळांच्या पदाधिकाऱ्यांसोबत बैठका घेऊन विविध सूचना करण्यात आल्या. (Pune Ganeshotsav)

मंडळांच्या अडचणी जाणून घेत त्यानुसार नियोजन करण्याचे आश्वासनही देण्यात आले. मात्र, प्रत्यक्ष मिरवणुकीदरम्यान या नियोजनाची प्रभावी अंमलबजावणी होत नसल्याच्या तक्रारी मंडळांच्या पदाधिकारी आणि कार्यकर्त्यांनी केल्या. (Pune Ganeshotsav)

बेलबाग चौकातून सकाळी सव्वादहाच्या सुमारास विसर्जन मिरवणुकीला सुरुवात झाली. मानाचे गणपती ठरवून दिलेल्या वेळेनुसार मार्गस्थ झाले. त्यानंतर महापालिकेचा गणपती, त्वष्टा कासार गणपती, सराफ सुवर्णकाळ मित्र मंडळ आणि सायंकाळी दगडूशेठ हलवाई गणपती मार्गस्थ झाला. सुरुवातीच्या टप्प्यात मिरवणूक अपेक्षित वेगाने पुढे सरकत होती. मात्र, रात्री बारानंतर परिस्थिती बदलली. (Pune Ganeshotsav)

शहरातील चारही प्रमुख मिरवणूक मार्गांवर दोन मंडळांमध्ये मोठे अंतर पडत गेले. काही ठिकाणी हे अंतर तब्बल एक किलोमीटरपर्यंत पोहोचले. डीजे बंद झाल्यानंतर अनेक मंडळांचे कार्यकर्ते रस्त्यावरच थांबल्याने मागून येणाऱ्या मंडळांना पुढे जाण्यास पुरेशी जागा मिळत नव्हती. (Pune Ganeshotsav)

त्यामुळे मिरवणुकीचा वेग मंदावला आणि मंडळांमधील अंतर वाढत गेले. मिरवणूक वेळेत पूर्ण करण्यासाठी करण्यात आलेल्या नियोजनाच्या तुलनेत प्रत्यक्ष परिस्थितीत मोठी तफावत दिसून आली. (Pune Ganeshotsav)

Pune Ganesh Visarjan 2026: पुण्यात 27 तास उलटूनही अद्याप मिरवणुका सुरूच; 200 हून अधिक गणपतींचे विसर्जन बाकी