Pune News : शासकीय कामासाठी कार्यालयाबाहेर जात असताना राज्य उत्पादन शुल्क विभागाच्या कर्मचाऱ्यांना शिवीगाळ करून जीवे मारण्याची धमकी दिल्याप्रकरणी (Pune News) एका व्यक्तीविरोधात बंडगार्डन पोलीस ठाण्यात अदखलपात्र गुन्हा दाखल करण्यात आला आहे.

याप्रकरणी रोहीत रत्नाकर पाचडे (वय ३३, रा. मुंढवा, पुणे) यांनी (Pune News) तक्रार दिली आहे. त्यानुसार, २२ मे २०२६ रोजी दुपारी सुमारे २.२० वाजण्याच्या सुमारास ते आणि त्यांचे सहकारी शासकीय कामानिमित्त कार्यालयाबाहेर जात होते.

त्यावेळी राज्य उत्पादन शुल्क कार्यालयाच्या आवारात सागर रामचंद्र सोनवले (रा. मळद, ता. बारामती, जि. पुणे) यांनी त्यांना अडवून “कोठे चालला” अशी विचारणा केली.

तक्रारीनुसार, संबंधितांनी “मी तुम्हाला चांगले ओळखतो” असे चढ्या आवाजात म्हणत “तुम्ही बाहेर मजा मारायला (Pune News) चालले आहात, कसली कामे करता” असे बोलून शिवीगाळ केली. तसेच, शासकीय कामासाठी जात असल्याचे सांगूनही त्यांनी ऐकून न घेता जीवे मारण्याची धमकी दिल्याचे तक्रारीत नमूद करण्यात आले आहे.

याशिवाय, यापूर्वीही संबंधित व्यक्तीने फोनवरून शिवीगाळ व धमक्या दिल्याचा आरोप तक्रारदाराने केला आहे. ठरावीक व्यक्तींविरोधात वारंवार गुन्हे दाखल करण्यासाठी दबाव आणत असल्याचाही उल्लेख तक्रारीत करण्यात आला आहे.

या प्रकरणी बंडगार्डन पोलीस ठाण्यात भारतीय न्याय संहिता २०२३ च्या कलम ३५१(२) व ३५२ अंतर्गत अदखलपात्र गुन्ह्याची नोंद करण्यात आली आहे. पुढील तपास पोलीस करत आहेत.