मोरगांव : राज्याचे पोलीस महासंचालक  यांच्या परीपत्रकानुसार पुणे जिल्हा पोलीस अधीक्षक अभीनव देशमुख यांनी  दि. ९ रोजी तक्रार निवारण दिन ठेवण्यात आला आहे .

यानिमित्ताने पोलीस स्टेशनकडे प्रलंबीत असलेले अर्ज प्रकरणे कामाचा निपटरा केला जाणार आहे . यामध्ये जिल्ह्यात  बारामती तालुक्यातील  ३  पोलीस स्टेशनसहीत  इतर १६ पोलीस स्टेशनचा समावेश आहे . 

कोरोनामुळे पुणे जिल्ह्यातील अनेक पोलीस स्टेशनमध्ये  तक्रार निवारण दिन ठेवण्यात आला नव्हता. यामुळे पोलीस स्टेशन हद्दीत पुणे पोलीस ग्रामीण अधीक्षक डॉ . अभीनव देशमुख यांनी उद्या गुरुवार  दि .९ रोजी हा दिन साजरा करुन प्रलंबित प्रकरणांचा निपटारा करण्यास सांगितले आहे. यासाठी संबंधीत अर्जदार , गैरअर्जदार यांनी  कागदपत्रासहीत उपस्थित  राहण्याचे आवाहन केले आहे .

उद्या  बारामती शहर , बारामती तालुका , वडगांव निंबाळकर  ,घोडेगाव , मंचर, आळेफाटा , ओतूर, भिगवण , वालचंदनगर , सासवड, लोणावळा शहर,लोणावळा ग्रामीण,  जुन्नर , नारायणगाव , खेड , मंचर , हवेली , दौंड , यवत  याठिकाणी हा दिन साजरा केला केला जाणार आहे . तक्रार निवारण दिनी वरिष्ठ अधिकारी , दुय्यम अधिकारी , पोलीस  अंमलदार  उपस्थित राहणार आहेत  .