शिरूर शहरात रॅली : महाविकास आघाडीचे पदाधिकारी एकवटले

शिरूर – शिरूर विधानसभा मतदारसंघाचे उमेदवार अशोक पवार यांच्या प्रचारार्थ शिरूर शहरात भव्य रॅली काढण्यात आली. यामध्ये उद्योगपती प्रकाशभाऊ धारिवाल यांनी सहभाग नोंदवल्याने शहरात व कार्यकर्त्यामध्ये नवचैतन्य निर्माण झाले आहे. यावेळी शिरूर कृषी उत्पन्न बाजार समिती येथील छत्रपती शिवाजी महाराज यांच्या पुतळ्यास पुष्पहार घालून प्रचार रॅलीची सुरुवात करण्यात आली.

प्रचार रॅलीत उमेदवार अशोक पवार उद्योगपती प्रकाश धारिवाल, युवा उद्योजक आदित्य धारीवाल हे प्रमुख आकर्षण ठरले. शहरातील पेट्रोल पंप ,एसटी स्टँड, बाजारपेठ, कापड बाजार, आडत बाजार, रामवाडी, मारुती आळी, सरदार पेठ, लाटे आळी, हलवाई चौक, सुभाष चौक, सोनार आळी, इस्लामपुरा, बुरुड आळी, कुंभार आळी, मुंबई बाजार, डंबेनाला या भागातून रॅलीला मोठा प्रतिसाद मिळाला. त्यानंतर कापड बाजार येथे रॅलीचे कोपरा सभेत रूपांतर झाले.

शिरूर शहरामध्ये उद्योगपती प्रकाश धारिवाल यांच्याबरोबर आणि त्यांच्या माध्यमातून शहराचा विकास आणि गती घेतली आहे. शहरातील विकासासाठी जो निधी लागेल, तो देण्याचा प्रयत्न आम्ही केला आहे. शहरासाठी भव्य एसटी स्टँड, नवीन पाणीपुरवठा योजना लवकरच सुरू होणार आहे, रस्त्यांचे प्रश्न मार्गी लावली आहेत. अद्ययावत नगरपरिषद इमारत, शासकीय कार्यालयांच्या इमारती आदी विविध विकासकामे केली आहेत. यातून शिरूर शहर नेहमीच माझ्या पाठीशी उभे राहिले आहे. आजही उभे राहणार आहे. यात शंका नसल्याचे आमदार अशोक पवार यांनी सांगितले.

यावेळी घोडगंगा सहकारी साखर कारखान्याची चेअरमन ऋषिराज पवार, जिल्हा परिषदेच्या माजी सभापती सुजाता पवार, शिवसेना उद्धव बाळासाहेब ठाकरे गटाचे तालुकाध्यक्ष पोपट शेलार, राष्ट्रवादी काँग्रेसचे तालुकाध्यक्ष विश्वासकाका भोसले, माजी नगराध्यक्ष रवींद्र ढोबळे, सुवर्णा लोळगे, अलकाताई सरोदे, राष्ट्रवादीचे शहराध्यक्ष मुजफ्फर कुरेशी, शिवसेना उद्धव बाळासाहेब ठाकरे शहर प्रमुख संजय देशमुख, काँग्रेसचे शहराध्यक्ष किरण आंबेकर, ॲड. शिरीष लोळगे,

माजी उपनगराध्यक्ष चंद्रकांत बोरा, निलेश लटाबळे, नगरसेवक अबिद शेख, मंगेश खांडरे, प्रवीण दसगुडे, वाल्मीकराव कुरंदळे, पोपट दसगुडे, ॲड. प्रदीप बारवकर, रवींद्र खांडरे, बलदेवसिंग परदेशी, माजी शहर प्रमुख कैलास भोसले, महिला शहराध्यक्ष स्मिता कवाद, शशिकला काळे ,राणीताई कर्डिले, प्रियांका धोत्रे, गीतारानी आढाव, संगीता शेजवळ ,ज्योती लोखंडे, राहील शेख, हाफीज बागवान, कलीम सय्यद ,राजुद्दीन सय्यद, सुशांत कुटे, विशाल जोगदंड, सुनील बोरा, राष्ट्रवादी, शिवसेना, काँग्रेस व मित्र पक्षांचे कार्यकर्ते उपस्थित होते.

मैत्रीच्या संबंधातून प्रचारात सहभागी- धारीवाल
उद्योगपती माजी नगराध्यक्ष प्रकाशभाऊ धारीवाल म्हणाले, शिरूर शहराचा विकास करीत असताना आमदार अशोक पवार यांनी मोठा निधी नगरपरिषदेस दिला आहे. त्यामुळे अनेक विकासकामे मार्गी लागले आहेत. आमदार अशोक पवार आणि आमचे तीन पिढ्यांचे संबंध आहेत. मी कुठल्याही पक्षाचा नाही. परंतु मैत्रीच्या संबंधातून मी अशोक पवार यांच्यासोबत असून त्यांच्यासाठी प्रचारात उतरत असतो. आजही असून, त्यांच्याबरोबर राहणे माझे नैतिक कर्तव्य आहे. आमचे सर्वच पक्षांबरोबर व त्यांच्या नेत्यांबरोबर मैत्रीचे संबंध आहे. परंतु शिरूर विधानसभा मतदारसंघांमध्ये मी आमदार अशोक पवार यांचे काम करणार, हे सर्वांना माहीत असल्याचे धारिवाल यांनी यावेळी सांगितले.