Pune Crime : डेक्कन पोलिस ठाण्यात नेमणूकीस असलेल्या एका पोलिस उपनिरीक्षकाला रात्रपाळी कर्तव्यावर असताना शिरोळे रोडवरील कॅफेतील बेशिस्त आणि गैरवर्तन चांगलेच भोवले आहे. संदीप कदम असे या पोलिस उपनिरीक्षकाचे नाव असून, त्यांना पोलिस खात्यातून निलंबीत करण्यात आले आहे. (Pune Crime)

याबाबतचे आदेश अपर पोलिस आयुक्त राजेश बनसोडे यांनी दिले आहेत. पोलिसांनी सांगितले की, ६ जून रोजी कदम हे रात्रपाळी कर्तव्यावर होते. रात्री पावने दोन वाजता आस्थापना बंद करत असताना ते शिरोळो रोडवरील फ्लाईंग जिप्सी नावाच्या कॅफेत आले. (Pune Crime)

त्यांनी आपल्या हातातील काठीने काऊंटरवर असलेले कॉफीचे ग्लास व इतर खाद्य पदार्थ लाठीने मारून खाली पाडले. तसेच कॅफेत बसलेल्या ग्राहकांना त्यांच्या टेबलावरून उठून जाण्यास सांगितले. कॅफेतील कर्मचाऱ्यांवर अरेरावीची भाषा केली. (Pune Crime)

दरम्यान, हा सर्व प्रकार कॅफेतील सीसीटीव्ही कॅमेऱ्यात कैद झाला असून, त्याचे फुटेज समाजमाध्यमावर व्हायरल झाले. कदम यांच्या बेशिस्त व गैरवर्तनाचा व्हिडीओ समाज माध्यमावर व्हायरल झाल्याने शिस्तप्रीय पोलिस खात्याची प्रतिमा जनमानसात मलीन झाली. (Pune Crime)

Pune Rural Police: पुणे ग्रामीण पोलिसांसमोर मोठं आव्हान! अपघातांचे आकडे पाहून सरकार हादरलं; दिलं ‘हे’ विशेष लक्ष्य

कदम यांनी केलेले कृत्य हे बेजबाबदारपनाचे असून,पोलिस खात्यास अशोभनिय व खात्याच्या शिस्तीस बाधा निर्माण करणारे असल्याचा ठपका कदम यांच्यावर ठेवण्यात आला आहे. (Pune Crime)

दरम्यान, शहरातील स्थायी व अस्थायी अस्थापना हॉटले, रेस्टॉरंट ॲण्ड बार, पबच्या संदर्भात पोलिस आयुक्त अमितेश कुमार यांनी नियमावली केली आहे. प्रत्येकाला त्यांच्या निर्धारीत नियमानुसार वेळेची मर्यादा आखून दिली आहे. (Pune Crime)

त्यांनी कोण-कोणती खबरदारी घ्यायची आहे याच्या सुचना दिल्या आहेत. तसेच रात्री या आस्थापना बंद करत असताना पोलिस अधिकारी, कर्मचारी यांना देखील सूचना देण्यात आल्या आहेत. (Pune Crime)

Police Transfers : पिंपरी-चिंचवड शहर पोलीस दलातील सहा निरिक्षकांच्या बदल्या

Police Transfer : राज्यातील 10 वरिष्ठ पोलिस अधिकाऱ्यांच्या तडकाफडकी बदल्या; कुणाची कुठे लागली वर्णी?